Dati palang varsity ng swimming si Kristoffer Martin at isinisingit pa rin niya ang sports kahit abala siya sa mga commitment at proyekto.
Kailan lamang ay nag-compete siya sa isang swim meet at nakapag-uwi pa ng mga medalya.
Ipinakita niya ang mga medalya sa kanyang post sa social media na may caption na, “Thanks you @ateneofast for this. Naexperience ko ulit lumaro sa isang swim meet. Last ko is nung high school pa ko.”
Nabanggit din niya sa post na habol lang daw ang training pero heto ang nagwagi pa siya kaya pinasalamatan niya ang kanyang mga coach.
Hindi naman niya nakalimutang pasalamatan ang kanyang mag-ina na lagi raw nakasuporta sa kanya tuwing may mga race siya. Bongga.
DSWD, mabilis ang aksyon
Bongga ang Department of Social Welfare and Development (DSWD) ni Sec. Rex Gatchalian dahil ang bait ng Asec niya na si Charles Prado ha. ‘Pag tinawagan sumasagot at magalang.
Alam n’yo naman na akala yata sa dialysis session ko member ako ng DSWD o representative ng Department of Health.
Kaya naman lagi silang nagtatanong at salamat sa DSWD lagi naman silang willing sumagot at magbigay ng information.
Kaya heto, gusto ko talagang ipaabot ang pasasalamat sa assistance na ibinibigay nila. Talagang maaasahan at nakakatulong talaga sila.