Angel inaabangan kung magpaparamdam sa dating manager!

MANILA, Philippines — Dumalaw kaya si Angel Locsin sa namayapa niyang former talent manager na si Tita Ethel Ramos?

Matagal nang walang paramdam si Angel sa showbiz.

Pulos throwback ang pino-post ng kanyang social media administrator sa Facebook account na nakapangalan sa actress at may post ng pakikiramay na : “Rest in Peace, Manay Ethel

Manay Ethel was the Dean of Entertainment Writers. For a long time, she also served as Angel’s manager.

Maraming Salamat, Manay

[Team Angel PH].”

Ang sabi dati ng source, nagplano talaga silang tumira ng kanyang mister na si Neil Arce sa abroad matapos ang presidential election pero ‘di nga raw nag-materialize.

Nagplano rin diumano ang mag-asawa na magnegosyo pero nagkaroon nga ba ang problema?

Samantala, bukod sa magkapatid na Revilla (Bong and Andeng), pag nabanggit ang pangalang Ethel Ramos, si Aga Muhlach din ang una mong maalala.

Matagal naging talent manager ni Aga si Tita Ethel na alam na alam ang mga pinagdaanan ng actor bago pa man ito naging Aga at mister ni Charlene Gonzales.

Kaya’t emosyonal siya.

“Rest and go in peace my dearest ‘ta Ethel. Don’t even know where to begin… 30 years of love, laughter, arguments, tsismis, pangarap, hard work to name a few We all shared together and we just loved and embraced each other . I will miss you. I am forever grateful to you and what you’ve done for me. We’ve talked about death so many times that we both know we are ready. Lahat naman tayo dadating diyan. So much more to say but I’ll just leave it at this. Mahal ka naming lahat na tinulungan at minahal mo. Habambuhay ka sa puso ko. Pls pray for us na naiiwan pa dito. Rest in eternal peace dearest tita Ethel. I love you very much. Don’t worry about me, you’ve taught me so much in life. We’ll be just fine. Hurt, sad but kaya to. Again, rest in peace . You are with our creator now Your son, Aga. Ang Dami konpa gusto sabihin…. D ko na din alam.. basta.. ”

Samantala, the remains of our beloved Tita Ethel  will lie in state at Room 301 of the Nacional Chapels and Crematory (formerly Funeraria Nacional) on Araneta Avenue na nag-umpisa noong Monday, Sept. 11, until Wednesday, Sept. 13.

Daily mass is at 6 p.m.

Cremation has been scheduled 12 noon on Thursday, Sept. 14.

James at Issa gusto na agad paghiwalayin!

Puro nega ang comment sa relasyon nina James Reid and Issa Pressman.

As in may nagko-comment pa na ngayon lang daw sila hindi kinilig sa isang relasyon.

At masyado raw trying hard.

May nagsabi namang kahit ano pang post ni James na kasama si Issa, mas trending pa rin si Nadine Lustre.

Meron pang comment na ba’t pa raw nagsama ng maid si James sa mga event na pinupuntahan niya. Na ang tinutukoy ay si Issa.

At waiting na raw sila sa break-up ng dalawa.

May mas harsh pa actually, pero may nagtanggol din naman sa kanila at iniisyuhang bitter pa rin ang JaDine fans.

Well, ganun ang buhay sa social media.

Lahat may opening.