Bitoy, kinatakutan si Mike

Ang galing naman ng ginawang tribute ni Michael V. kay Mike Enriquez.

Nilabas ni Bitoy ang kanyang talento sa pagguhit para parangalan ito at ibinahagi niya ang detailed portrait.

Caption niya sa kanyang post, “Excuse me po!”

Ibinahagi rin niya ang first impression niya sa broadcaster. Inakala pala niyang istrikto at nakakatakot ito pero tumatak daw sa kanya ang pagiging kuwela at lovable nito.

Makulit daw talaga si Mike kaya sana nga raw nakita ng mga hindi nakakakilala dito ang litrato nito sa burol nito dahil ‘yun daw ang totoong siya para sa mga malalapit sa kanya.

“Sana nakita ng lahat ‘yung malaking wacky photo mo sa wake dahil ‘yun talaga ang pagkakakilala ng marami sa ‘yo,” dagdag ni Bitoy.

Nagpaalam na rin siya sa GMA Network pillar sa kanyang post.

“Goodbye, Sir Mike. Parang alam na namin kung ano’ng sasabihin ni San Pedro ‘pag nakita ka n’ya sa Pearly Gates,” pagtatapos ni Bitoy sa caption sa kanyang post.