Nora, nakakatakot

Nakakatakot ang hitsura ni Nora Aunor para sa bagong movie niyang Mananambal na inilabas ng director nito na si Adolf Alix, Jr.

Ito ang pelikulang pagsasamahan nila ng Kapuso actress na si Bianca Umali na sumailalim na rin sa look test.

Base sa look nina Ate Guy at Bianca, parang horror movie naman ito.

Sa post pa ni Adolf, nakarating na siya sa Siquijor kung saan maraming kuwento ng kababalaghan para sa sinusulat na kuwento.

Sabi pa niya, nagkaroon na siya ng personal encounter sa totoong Mananambal at kung paano sila namumuhay na puwede niyang magamit sa movie na ‘yun.

Marian sumaludo sa mga rider

Binigyang-pugay ni Marian Rivera ang mga rider sa Araw ng mga Bayani kahapon.

Ang litrato ng cute na anak niyang si Zia ang nakalagay sa Facebook account ni Yan pero may mga helmet ng motor sa paligid niya.

Na-mention pa ni Yan ang asawang si Dingdong Dantes sa post niya. Of course, may mga delivery rider si Dong na alaga dahil sa kanyang riding app.

Ngayong araw naman ang pasukan na sa public schools at ang mga teacher naman ang kailangan din nating saluduhan lalo na’t sila ang naggagabay at nagtuturo sa mga bata, huh!