Yassi hot item dahil kay Sandro Marcos!

Split na nga ba si Yassi Pressman at Fil-Canadian businessman boyfriend niya na si Jon Semira?

Kumalat ito matapos pag-usapan sa Tiktok ang isang video na kasama niya si Rep. Sandro Marcos.

Actually parang luma na ‘yung video, pero ang dami kahapong nagsi-share.

Base sa date, last July pa.

Parang isang exclusive party ito at andun din si Camarines Sur Gov. Migs Villafuerte na may photo namang humahalik sa pisngi ng actress.

Pero dahil may asawa na si Gov. Villafuerte (Pinakasalan nito two years ago ang model and former beauty queen na si Rachel Peters in a civil ceremony at dalawa na ang anak nila) kaya parang mas nabigyan ng malisya ang medyo comfortable na tawanan nina Yassi ang Ilocos Sur Cong. Sandro na ang nababalita namang girlfriend ay si Alexa Miro.

Anyway, nauna nang pinag-usapan na sa isang prime residential condo may unit ang sexy star na si Alexa.

At kaya nabuking daw na may unit ito doon ay dahil sa delivery ng pagkain.

Narinig daw sa lobby ng bulding na ‘delivery for Alexa Miro.’

May unit din diumano sa nasabing prime residential condo building ang Presidential son kaya may one plus one.

Dennis ginaya si Marian sa Price Tag

Benta rin kahapon sa Tiktok si Dennis Trillo.

Lalo na sa Price Tag dance challenge ni Jessie J.

Ginaya niya ang viral dance ni Marian Rivera na may 72 million views na.

Kahapon ay may 3.3 million na kay Dennis na umabot na rin sa 1 million ang followers.

Grabe talagang social media na rin ang buhay ng mga artista.

Kathryn, pinusuan sa kaharutan!

Maharot, liberal, pak na pak ang character ni Kathryn Bernardo sa kanyang soon to be released na pelikulang A Very Good Girl.

Sa kanyang latest teaser bongga siya sa suot na bra top, nasa bar at sumasayaw-sayaw.

Kaya naman pinusuan kaagad ito ng maraming netizens na sabik nang mapanood ang movie ni Kathryn kasama si Dolly de Leon.

“Cheers to being forever young and making happy mems with the people who matter the most!,” caption niya sa nasabing video.

Four years ding walang pelikula si Kathryn kaya hinihintay na ito.

Ang super hit movie pa nila ni Alden Richards na Hello, Love, Goodbye ang last movie ng actress na hitsurang ibang-iba rito sa A Very Good Girl.