Willie, walang pake sa mga empleyado?!

Baka isipin ng tao na sobra akong mean o salbahe kay Willie Revillame. Actually ang reason lang naman kung bakit ako nagalit eh nang alisin niya sa trabaho si Jopay Manago na dati niyang talent coordinator.

Kasi nga after mawalan ng work si Jopay inilagay na siya sa Home for the Aged dahil mag-isa lang siya sa buhay.

Alam ko na dapat hindi ako kay Willie nagalit kundi sa mga kamag-anak ni Jopay. Pero hindi kasi mabura sa isip ko na kaya nasa Home for the Aged si Jopay dahil nawalan siya ng trabaho.

Dasal na nga lang ang puwedeng gawin for Jopay na sana maayos ang lagay niya. At sana magkaroon ng kahit konting panahon ang mga kamag anak niya na dalawin siya.

Kay Willie Revillame naman may constructive na payo naman ako, huwag ipilit kung medyo nag-slide ka na as an entertainer. Hintayin mo na lang ulit na hanapin ka ng tao bago bumalik sa harap ng kamera.

Huwag ipilit kung talagang hindi ka na hinahanap ng tao. Pahinga muna. Mag-isip ng bagong jokes. Tingnan uli kung ano gusto ng mga manonood. Puwede namang pahinga muna. Huwag pasok nang pasok ‘pag ‘di mo pa oras dahil hindi pa interesado ang mga tao sa iyo.