Herlene, pagsasabayin ang dilag at ‘grand’ training!
Handang-handa na si Herlene Budol sa Miss Grand Philippines 2023 kung saan ay isa nga sa kandidata ang Binibining Pilipinas 2022 first runner-up.
Kaya nga hectic na hectic ang schedule niya dahil pinagsasabay niya ang taping ng Magandang Dilag and preparations for the pageant.
“’Pag wala pong taping, nagre-rehearsal po kami, nagpa-pasarela (walk), training, ayan. Pinagsasabay ko. Kaya ‘yan,” aniya.
Humihingi rin daw siya ng advice sa iba pang beauty queens tungkol sa kung paano ang tamang paglakad.
Kahit hirap siya sa schedule, happy naman daw siya at talagang pinipilit niyang kayanin.
Ngayong July na gaganapin ang Miss Grand Philippines 2023 habang ang first teleserye naman niyang Magandang Dilag ay magsisimula na sa June 26 sa GMA Afternoon Prime.
May LQ?!
Kasisimula pa lang ng relasyong Kris Aquino-Mark Leviste pero mukhang nagkakalabuan na sila agad or ‘di kaya ay may LQ (lovers’ quarrel).
Sa bagong post ni Kris last Monday sa kanyang Instagram page na kaagad niyang binura, sinabi niyang wala siyang permiso sa pagkukuwento ni Mark ng kanilang relasyon.
Sa isang panayam kasi recently ng ABS-CBN Teleradyo sa Bise-Gobernardor ng Batangas, nabanggit niyang nasa Los Angeles siya at inaalagaan si Kris. Sinabi rin niya ang estado ng kanyang puso ngayon na “full of love.”
Sinagot ito ni Kris sa kanyang IG at bagama’t wala siyang pangalang binanggit, obvious na si VG Mark ito.
“For my peace of mind, just the facts: without my knowledge or consent, someone spoke about what’s supposed to be his ‘taking care of me in LA’ plus ‘our happy and full of love relationship’ – yet just like any new relationship many couples will easily identify, we are still adjusting to each other’s already set habits & ways,” simula ni Kris.
Kasunod nga nito ay sinabi niyang may mga namamagitang conflicts sa kanilang dalawa pero hoping naman siya na maayos agad ito.
“Recently there have been unavoidable conflicts. I don’t believe in presenting a happy picture when that’s not quite our current reality.
“I’m hopeful we can still work through our differences, though a part of me realizes the lack of wisdom in embarking on a relationship while undergoing treatment,” pahayag ni Kris.
Samantala, naibahagi rin ng Queen of All Media ang tungkol sa relasyon ng bunso niyang anak na si Bimby sa ama nitong si James Yap although hindi niya binanggit ang name ng ex-husband.
“No names shall be named BUT it will be easy for you to figure out… maraming pinagdaanan. Maraming hindi pagkakaunawaan pero ayokong masabi na pinipigilan ko si Bimb… my own childhood was fatherless because of Martial Law so why’d I subject my bunso to the same fate?” lahad ni Tetay.
Patuloy niya, “from the time Bimb was 8, he had the freedom to decide… now at 16 i told him- ‘When someone reaches out after 7 years, and there’s a chance for PEACE, then everyone WINS.’”
She went on na gumawa na raw ng hakbang si Bimby para kontakin ang ama nitong Father’s Day.
“Yesterday Father’s Day, my bunso made me proud – he’s had the number to contact for almost a week, and the reluctance was so real, yet he took the 1st step towards rebuilding a relationship that I know will require some time to repair PERO ang mahalaga ay nagsimula na,” pagbabahagi ni Kris.
- Latest
