Barbie, may kasamang oppa sa Korea!

Ang bongga naman nina Barbie Forteza at David Licauco.

Ibinahagi ang photos nila habang nasa South Korea sila. Ang cute ng mga litrato nila na parang komportable na talaga sila sa isa’t isa. Kaya naman tuwang-tuwa ang fans at kilig na kilig sila sa magka-love team.

Kasalukuyang nasa South Korea sila para sa upcoming movie nila na That Kind of Love. Sabi nga ni Barbie sa isang interview ay magsu-shoot sila sa dreamy locations doon na swak sa istorya nila at may kasama raw siyang oppa. Umayon naman ang Pambansang Ginoo na si David dahil marami raw talagang lugar doon na magandang spots para sa mga magde-date.

Buti naman at naiitindihan ng fans na may karelasyon si Barbie na aktor din na si Jak Roberto. Kaya masaya na sila na napagbibigyan sila ng BarDa love team at napapakilig pero hanggang doon lamang iyon dahil taken na ang aktres.