Bukod sa isyu sa matris... Bea, naggagamot para sa hypothyroidism!

Inamin ni Bea Alonzo na na-diagnose siya kamakailan ng hypothyroidism at ito raw ang dahilan kung bakit siya nadadagdagan ngayon ng timbang.

Sa kanyang latest vlog kung saan ibinahagi ni Bea ang mga stories behind some of her Instagram posts. Isa na rito ay ang larawan nila ng boyfriend na si Dominic Roque sa isang gym at naglaro sila ng tennis with some friends. Aniya ay bagong hobby niya ang tennis pero itinigil niya dahil mukhang hindi raw niya linya ang sports. Bukod dito ay nag-gain daw siya ng weight kaya nahihirapan siyang tumakbo-takbo. At dito na nga niya inamin kung bakit siya tumataba.

“Aside from having PCOS [polycystic ovary syndrome], I recently was diagnosed with hypothyroidism so that’s the reason behind my gaining weight,” she revealed. Pero ginagamot naman daw na niya ito ngayon. “I’m trying to address it now by working out, by dieting and taking meds for it and supplement. So wish me luck, sana matapos na siya,” sey ni Bea. Dagdag pa niya, “so, sa mga nagsasabi diyan bakit ang taba na raw ni Bea, ‘yun po ang reason, pasensiya na kayo.”

Liza, walang bahay sa Amerika

How true na naninirahan na lang daw ngayon si Liza Soberano sa isang room for rent sa US?

Ito raw ang nakarating na tsika kay Cristy Fermin mula sa ating mga kababayan sa US.

“Ipinarating po sa amin ang kuwento na naninirahan po sa isang room for rent itong si Liza Soberano sa Korea town. May China town po kasi sa Amerika, meron ganu’n at may Korea town.”

Bagama’t hindi naman daw krimen ang pangungupahan ng kwarto, aminado si Nay Cristy na nanghihinayang siya kung ikukumpara ang career nito noon sa ngayon.

“Hindi naman po krimen kung tayo man po ay umupa ng isang room para sa ating pananatili sa ibang bansa kaya lang po tulad ng sinabi natin noong una sa pamamagitan ng blind item, ‘yung pagkukumpara nakahihinayang talaga,” sey ni Nay Cristy.

Segunda naman ni Romel Chika, “Oo, ‘yung magandang buhay dito tinalikuran niya para pumunta sa at makipagsapalaran sa abroad.”

Matatandaang bumili ng bahay sa US si Liza kaya napag-usapan din nila ito pero sey ni Nay Cristy, binili raw iyon ng aktres para sa lolo at lola nito at marahil ay gusto naman ng dalaga ng privacy.

“Talaga lang pong mamumunga ng panghihinayang ‘yung dito napakalaki ng ipinagawa mong bahay, lahat nasusunod mo rito tapos sa pangangarap mong maging artista ng Hollywood, eto ka ngayon nakatira ka sa isang room for rent,” sabi pa ni Nay Cristy.