Masayang ibinalita ng mag-asawang Kris Bernal at Perry Choi na baby girl ang kanilang first baby na nakatakdang isilang sometime in August this year.
The entrepreneur couple na ikinasal nung March 25, 2021 ay unang nagkakilala nang magsimula ang dating Kapuso actress sa kanyang food business kung saan supplier ng meat si Perry.
Kasunod na rito ang kanilang pagiging business partners nang maging sila.
Si Kris ay isa sa mga actor na marunong mag-handle ng perang kanyang kinikita. Dalaga pa siya ay nakapag-invest na siya ng bahay sa Amerika.
Since ang kanyang mister ay isang chef at nagmula rin sa pamilya ng mga negosyante, lalong lumawak ang interes ng aktres sa negosyo.
Kumpirmado, Prince at Meghan imbitado sa coronation ng hari
Mahihinto na ang iba’t ibang espekulasyon ng marami kung dadalo ba o hindi ang mag-asawang Prince Harry at Meghan Markle sa coronation ni King Charles, ama ng magkapatid na Prince William at Prince Harry sa darating na May 6 na gaganapin sa Westminster Abbey in London kung saan nakatakdang dumalo sina President Bongbong Marcos at First Lady Liza Araneta-Marcos.
Alam ng marami na may lamat na ang relasyon nina Prince Harry at Meghan, Duke and Duchess of Sussex kay Prince Charles maging sa panganay nitong anak na si Prince William dahil sa mga rebelasyon na pinakawalan ng mag-asawa sa kanilang exclusive interview with Oprah Winfrey, sa iba’t ibang TV guestings ni Prince Harry in various American talk shows, ang kanilang docu series on Netflix na Harry and Meghan at ang paglabas ng librong Spare ni Prince Harry kung saan nakalahad ang mga sikreto sa loob ng palasyo at sa kanilang pamilya.
It was in January 2020 nang magdesisyon ang mag-asawang Prince Harry at Meghan na talikuran ang kanilang royal duties as senior members ng royal family para mamuhay nang pribado sa Amerika.
Ang mag-asawa kasama ang kanilang dalawang anak na sina Archie Harrison Mountbatten-Windsor at Lilibet Diana Mountbatten-Windsor ay nakatira sa kanilang mansion in Montecito, California, USA na kanilang nabili sa halagang $14.65M.
Sa kabila ng pagkakaroon ng problema sa pagitan nina Prince Harry at Meghan at ng royal family ay nakatanggap pa rin sila ng invitation sa coronation day nina King Charles at Queen Camilla na nataon sa ika-4th birthday ni Archie.
Wala umano sa plano ng coronation day ni King Charles na kasama ang kanyang dalawang apo kina Prince Harry at Meghan dahil silang mag-asawa lamang ang imbitado kaya nagdesisyon ang couple na si Prince Harry na lamang ang dadalo habang maiiwan sa kanilang Montecito mansion ang kanyang mag-iinang Meghan, Archie at Lilibet.
Tinanggal na rin kina Prince Harry, at Meghan ang kanilang Frogmore cottage house kaya malamang na sa guest house ng palasyo o hotel na lamang mag-stay ang prinsipe.
Nakamasid ang buong mundo sa nalalapit na coronation day nina King Charles at Queen Camilla.
Dingdong, mahusay sa oras
Napakahusay ng Kapuso Primetime King na si Dingdong Dantes mag-manage ng kanyang oras dahil napaghahati-hati niya ang kanyang time sa kanyang pamilya, career at maging sa kanyang pagiging isang negosyante.
Sa kabila ng kanyang pagiging abala bilang actor at TV host, maituturing na hands-on husband at father siya sa kanyang misis na si Marian Rivera at dalawang anak na sina Zia at Ziggy.
Tuluy-tuloy ang pag-arangkada ng Family Feud game show kung saan siya ang host at may bagong programa rin siyang ihu-host, ang GMA adaptation ng The Voice Generations, isang singing competition from Australia.
As if these are not enough, nagsimula na ring mag-taping si Dingdong sa kanyang pinakabagong TV drama-suspense-thriller series, ang Royal Blood.