Bong, nakakuha na naman ng bagong inspirasyon!

MANILA, Philippines — Nagpasalamat si Sen. Bong Revilla dahil umabot ng 85% ang kanyang performance rating, at pumangalawa siya sa nagdaang ‘Boses ng Bayan” survey na isinagawa  ng RP-Mission and Development Foundation, Inc. o RPMD, isa sa nangungunang public opinion poll body sa bansa.

“Napakalaking inspirasyon ito para higit pa tayong magsikap sa ating tungkulin,” pahayag ni Sen. Bong.

Nakaka-proud din na pati ang anak niyang si Cong. Jolo Revilla ng first district ng Cavite ay ginawaran din ng parangal bilang Elite Leadership Award in Public Service.

Nasa Amerika pa si Cong. Jolo kasama ang asawang si Angelica, kaya ang anak niyang si Gab Revilla ang tumanggap ng parangal.

Inialay rin ni Cong. Jolo ang parangal na ito sa kanyang mga kapwa-Caviteño.

Bahagi ng pahayag ni Cong. Jolo, “Atin pong pinaghusayan ang paglikha ng mga makabuluhang batas para tuwirang mapakinabangan ng mga Pilipino.”