Jillian, tutok sa kanyang debut!

Ang bongga naman ng dating Trudis Liit star na si Jillian Ward. Debutante na pala ito. Nag-celebrate ito ng kanyang 18th birthday kahapon, Feb. 23.

Mapapanood sa kanyang Instagram Stories kung paano niya sinalubong ang kanyang birthday kasama ang mga katrabaho at kaibigan sa showbiz, at pinaghandaan din ang surprise sa kanya.

Kahit pa nga abala ito sa kanyang trabaho at kasalukuyang ginagawa ang seryeng Abot Kamay Na Pangarap, ay hands-on pa rin ito sa pag-asikaso sa kanyang enggrandeng debut.

Ang bongga pala ng party nito dahil mahigit 700 bisita ang inaasahan niyang dadalo! Siguradong present din doon ang co-lead star niya sa Abot Kamay Na Pangarap na si Carmina Villarroel. Ibinahagi nga nito na natanggap niya na ang advance birthday gift mula sa nanay-nanayan niya sa serye.

Mabusisi raw talaga ang pagpili niya sa kanyang bonggang party. Lahat daw ay siya ang pumili talaga gaya ng venue, show at mga isusuot niyang gown.

 Bongga.