Ruffa, may pahaging sa mga sexy star?!

Sa halip na magalit at sagutin ang pamba-bash sa kanya dahil sa pagganap sa role ni First Lady Imelda Marcos sa Martyr or Murderer, nagpasalamat pa si Ruffa Gutierrez sa bashers niya. Kahit nga raw wala siyang ginagawa, may bashers pa rin siya.

Na-interview si Ruffa ni Mario Dumaual tungkol sa bashers sa mediacon ng #MOM at maayos ang kanyang sagot, may pa-shade lang siya sa mga naghuhubad.

“I’m just do grateful na kahit wala akong ginagawa, nagkakaroon ng bashers. Kasi ‘yung iba naman, andami nang ginagawa, naghuhubad, hindi pa rin pinapansin,” pahayag ni Ruffa.

Wala pa namang nagre-react sa mga aktres na naghuhubad sa sinabing ito ni Ruffa and in fairness, tama naman siya dahil iilan lang sa sexy stars ang nagmamarka sa tao. Ang dalawang pangalan na pumapasok sa isip namin ay sina AJ Raval at Angeli Khang. Kailangan siguro konti pang “ingay” mga beshie.

Sa nasabi ring interview, binanggit ni Ruffa na ginagampanan lang niya ang role ni FL Imelda at honored siya to be portraying her character. Masaya rin nitong ibinalita na part pa rin siya sa third installment na Mabuhay Aloha Mabuhay o #MOM.

Inulit din ni Ruffa na she’s not joining the political prey kaya ‘wag siyang isasama sa cancel culture. Trabaho lang ang ginawa niya like the rest of the cast and don’t take it against them.

Arra, tinapos na ang pagpapa-cute

Kung sa Happy ToGetHer ay pa-cute ang role ni Arra San Agustin bilang love interest ni John Lloyd Cruz, sa Mga Lihim ni Urduja, bad girl siya bilang si Valencia, isa sa bounty hunters. Astig si Valencia at mapapasabak sa action at fight scenes, kaya pala nag-training din siya ng arnis at iba pang klaseng physical training.

Sabi ni Arra, “malaking karangalan na mapabilang ako rito. May pressure lalo at ang papalitan namin ay Maria Clara at Ibarra, pero may tiwala kami sa project, may tiwala kami kina directors Jorron Monroy at Dominic Zapata. Higit sa lahat, may tiwala kami sa isa’t isa at alam naming ginawa ng buong cast ang best namin to give the viewers a good show. Team effort ito at very collaborative ang lahat,” ayon kay Arra.

First time na gaganap na bad guy si Arra at excited na siya sa magiging reaction ng viewers, lalo na ang kanyang fans. Sigurado lang siya na hindi madi-disappoint sa kanya ang kanyang supporters.