Ivana, Janine, Liza at Bella Poarch, pasok sa 100 Most Beautiful Faces   

Pasok na naman sina Ivana Alawi, Liza Soberano, Janine Gutierrez at Bella Poarch sa listahan ng 100 Most Beautiful Faces in 2022 ng critic website na TC Candler.

Nasa top 6 si Ivana this year at ito na ang ikatlong taon niya na napabilang sa nasabing list last year ay nasa pang-apat siya at noong 2020 naman ay nasa pang-11 siya.

Nasa number 23 naman si Liza at ito na ang pang-walong taon niya na mapasama sa Most Beautiful Faces list siya kung saan ay naging number one pa siya noong 2017. Last year naman ay nasa pang-18 siya.

Nasa pang-51 naman si Janine at ito ang kanyang pangalawang beses mapasama sa listahan. No. 80 naman ang Filipino-American singer at TikTok sensation na na-link kay Joshua Garcia na si Bella.

Ang itinanghal na Most Beautiful Face ngayong taon at nangunguna sa listahan ay ang Victoria’s Secret Angel na si Jasmine Tookes.

Sumusunod naman sa kanya ang isa sa mga miyembro ng K-Pop girl group na Momoland na si Nancy McDonie pati na rin ang Blackpink member na si Lisa.

LizQuen, tinangging nagkakalabuan

Hindi totoong nagkakalabuan or split na sina Enrique Gil at Liza Soberano. Ito ang nilinaw ng dating talent manager ng aktres na si Ogie Diaz sa kanyang vlog.

Naging kontrobersyal kasi ang pagde-delete ni Liza ng larawan ni Quen sa kanyang Christmas post sa Instagram few days ago. Sa mga nasabing pictures ay makikita ang pamilya ng aktres na sama-sama on Christmas eve.

Netizens claimed na sa mga unang larawan na ipinost ni Liza ay kasama si Quen pero bigla na lang nawala ang pictures na naroroon ang aktor.

Dahil dito ay sari-saring ispekulasyon ang lumabas. May nagsabing on the rocks ang relasyon ng LizQuen because of James Reid na manager ngayon ni Liza na noon pa talaga inili-link sa aktres.

May nagsabi ring si Quen mismo ang nagpa-delete ng photos dahil mataba raw siya. Sey naman ng iba, si James daw ang nagpaalis ng litrato dahil bawal daw.

Ayon kay Ogie, hindi raw niya alam kung bakit nga binura ni Liza ang mga larawang kasama si Quen pero ang alam niya ay sila pa rin naman.

 “Feeling ko naman, sila pa rin. Hindi ko lang alam kung bakit inalis ni Liza ‘yung picture,” dagdag pa ni Ogie.

Pero pwede rin naman daw na si Quen nga mismo ang nagsabi kay Liza na tanggalin na ang picture nito dahil nga mataba ito ngayon.

Pero ‘yung tungkol sa mga ispekulasyon na nagkakamabutihan na sina James at Liza, ayon kay Ogie ay wala itong katotohanan.

“Hindi totoo ‘yan, ako na ang nagsasabi. Talaga lang manager-talent at magkaibigan lang si Liza at si James Reid. Dahil ‘yung JaDine at LizQuen, magkaibigan na noon pa. So, walang rivalry sa kanila,” paglilinaw pa ni Ogie.

Abangan na lang daw natin dahil baka one of these days ay mag-post ulit si Liza na kasama niya si Quen.