Alden, nadagdagan ang title

Naka-post sa Instagram ni Alden Richards ang ilang kaganapan sa successful concert ng Eraserheads na kung saan, isa ang Myriad Corporation niya sa producers. Habang nagpe-play ang background music ng Eheads na Alapaap, makikita si Alden na nakipagkamay kina Ely Buendia, Raimund Marasigan, Marcus Adoro at nakipagkita rin kay Buddy Zabala.

Ngiting tagumpay ang makikita kay Alden habang pinapanood ang concert na pinanood ng more than 75,000. Kinongratulate si Alden pati ng mga celebrity na fans din ng Eheads. Sabi nga ni G Tongi, “this is my youth right here.”

Nadagdagan nga ang title ni Alden dahil ngayon, kasama na ang pagiging Concert Producer. May mga request na nga ng part 2 ng concert at habang hindi pa ‘yun nangyayari, ni-request ang reunion concert ng Side A Band at ng Parokya ni Edgar.

Samantala, after the concert, nag-unwind sina Alden and his family sa Tagaytay. Ang ganda ng larawan ni Alden with his lola Linda at ang photo na nagdasal ang Faulkerson family bago kumain.

Nagtatanong din ang fans ni Alden kung ano ang next project niya sa GMA 7 after Start-Up PH. Wala pang in-announce ang GMA.

Fans nina Edu at Cherry Pie, wish na ikasal sila

Para siguro i-deny ang tsikang break na sila ni Edu Manzano, nag-post si Cherry Pie Picache ng video na kasama si Edu at mga kaibigan. Pa-welcome dinner ‘yun ni Cherry Pie sa isa nilang kaibigan ni Edu at naki-comment din si Edu sa caption ni Cherry Pie.

May pinost din ang fans nina Edu at Cherry Pie ng photos na silang dalawa lang, hindi lang nabanggit kung sa kaparehong okasyon ‘yun kuha ang litrato, pero kita namang masaya ang dalawa.

Ang wish ng kanilang fans, hindi na maghiwalay ang dalawa at sa altar na magtapos ang kanilang love story. Ang isa nilang dahilan ay hindi na raw bumabata ang dalawa at kailangan na nilang isipin ang kanilang future.

Si Chery Pie pala ay kasama sa cast ng FPJ’s Batang Quiapo at umaasa ang fans na sa pagtakbo ng story nito ay pumasok din si Edu.

Pia at Jeremy, ‘mag-asawa’ na sa abroad!

Ang cute ng photo nina Pia Wurtzbach at fiance niyang Jeremy Jauncey na habang nagkakabit ng mistletoe sa Christmas tree si Jeremy, nakayakap sa waist niya si Pia. Nasa Edinburgh, United Kingdom ang dalawa at doon sila sa holiday season, sa bahay ng mom ni Jeremy.

May photos pa na nagdi-dinner sila with her future mom-in-law, nag-decorate siya ng Christmas tree at photo ng mga paa nila ni Jeremy na nakasuot ng medyas.

“Christmas photo dump. Enjoyed decorating this real tree with @jeremyjauncey. I think we’ll make the best Santa’s elves,” caption ni Pia sa kanyang post.

Voltes V at serye ni Coco, magtatapatan ba?!

Sa mga bagong shows ng GMA 7, mauunang maipalalabas sa afternoon time slot ang Underage dahil sa Jan. 16, 2023 na ang airing nito. Susunod ang Magandang Dilag ni Herlene Hipon na naka-schedule sa Feb. 23, 2023. Walang exact date ang airing ng The Seed of Love, pero nakalagay ang 1st quarter 2023.

Sa GMA Telebabad, ang world premiere ng Luv Is: Caught In His Arms ay Jan. 16, 2023 na. Maghihintay pa ang fans ng Voltes V dahil ng nakalagay ng airing schedule nito ay sa 2nd quarter 2023 pa. Pero, may short teaser nang ipinapakita sa New Year Countdown.

Tanong ng fans, kailan daw kaya ang airing ng FPJ’s Batang Quiapo dahil ini-expect nilang ang series ni Coco Martin sa ABS-CBN ang makakatapat ng Voltes V: Legacy.