Alden at Bea, pahinga na sa start-up...
Tomorrow, Friday, Dec. 23, ang finale episode ng Pinoy adaptation ng Korean drama series na Start-Up Philippines nina Alden Richards, Bea Alonzo, Jeric Gonzales, Yasmien Kurdi and Ms. Gina Alajar.
Mukhang may sorpresa sa ending ng serye, dahil last Sunday, nang mag-guest sina Alden at Bea sa All-Out Sundays.
Ngayong tapos na ang first team-up drama series nina Alden at Bea, balitang vacation mode naman ang dalawa.
Itutuloy na raw ni Alden ang Japan vacation ng Faulkerson family. Matatandaan na every year before the pandemic ay may Christmas vacation sila lagi, either sa Japan or sa US. Pero nahinto nga ito the past two years dahil sa pandemic. Malamang tuluy-tuloy na ito hanggang sa birthday celebration ni Alden sa Jan. 2, kaya nag-tape na siya para sa All-Out Sundays.
Pero busy pa rin si Alden at ang kanyang Myriad Corporation, dahil today, Dec. 22, ang concert ng Eraserheads, ang Huling El Bimbo, na isa sila sa producers, na gaganapin sa SMDC Festival Grounds sa Parañaque City.
Meanwhile, Bea Alonzo is taking time off from the big city to enjoy a relaxing day sa kanyang Zambales farm, ang 16-hectare land, ang Beati Firma. Inamin niya na sa rami ng mga ginawa niya this year, hindi na siya nakadalaw sa kanyang farm. “I forgot how I miss just being close to nature and being close to animals. But I make sure to come home to my sanctuary every chance I get, tulad ngayon.”
Masayang ibinalita ni Bea na nakapagpatayo na siya ng mini-chapel and gym sa loob ng kanilang farm, bukod pa sa libu-libong mango and mahogany trees at farm animals na alaga nila roon.
Mavy at Kyline, bibida sa LUV IS
Lalong makikita ang closeness and sweetness ng one of the most sought-after Sparkle loveteams nina Mavy Legaspi and Kyline Alcantara. Sina Mavy at Kyline kasi ang bibida sa isa pang TV adaptation ng GMA Network at Wattpad Webtoon Studios, ang LUV IS: Love at First Read na based sa hit Wattpad webnovel written by author Chixnita.
Makakasama nila ang iba pang Sparkle stars na sina Josh Ford, Pam Prinster, Bruce Roeland, Larking Castor, Therese Malvar, Mariel Pamintuan and Kiel Gueco, with Maricar de Mesa, Jestoni Alarcon and Ms. Jackie Lou Blanco.
Mauuna namang mapanood simula sa January 2023 ang LUV IS: Caught in His Arms nina Sparkle sweethearts Sofia Pablo and Allen Ansay.
- Latest
