Ginastusan muli ng komedyanteng si Allan K ang dati niyang comedy bar na Klownz upang magkaroon ng bagong look na sakto sa bago nitong name na Clowns Republik!
Nagkaroon ito ng soft opening last Thursday sa dating venue nitong Sunshine Blvd. along Quezon Avenue, near Timog Avenue.
Eh sa kanyang Instagram lang nag-post ang komedyante ng soft opening. Pero laking gulat niya dahil ‘yung inakala niyang isa o dalawang table lang ay naging anim, huh!
“Nakakatuwa. Hindi ko ini-expect ang pagpunta ng mga tao. Pero this Tuesday ang talagang grand opening,” sabi sa amin ni Allan.
Natigil man ang operasyon ng comedy bars ni Allan, mananatili pa rin niyang baby ang una niyang comedy bar na ngayon ay Clowns Republik na!
Sa naka-miss ng humalakhak, sugod na sa CR o Clowns Republik ni Allan K!
Herlene, masaklap ang karanasan sa pageant
Masaklap pala ang karanasan ni Herlene Budol o Hipon Girl sa Uganda bilang bet sa Miss Planet International.
How true na sa latest reports, hindi umano pinakain at walang matuluyang maayos ang mga kandidata.
Sa totoo lang, ang problema sa luggage ang unang dinanas ni Herlene nang dumating sa Uganda? Naayos kaya ‘yun?
This time, sa naranasan ni Herlene, balitang gusto na niyang umuwi ng Pinas, huh!
Naku, pag-aartista na lang ang bigyang priority ni Hipon Girl lalo na’t may bagong TV series na siya sa GMA, huh!