Start-Up..., tatapusin na?!

Ilang tulog at paligo na lang at aabot na sa 1 bilyon ang views sa TikTok ng GMA afternoon top rating show na Abot Kamay na Pangarap.

As of this writing, umabot na sa 800 million views sa nasabing platform ang Carmina Villarroel at Jillian Ward starrer.

Ang Kapuso inspirational medical drama ang number 1 GMA show online, trending sa Twitter ang videos at sa iba pang platforms.

Totoo kaya ang nabasa namin sa social media na malapit na itong matapos? Eh ang alam namin, ang GMA primetime series na Start-Up PH ang magtatapos na.

Hindi na ito magkakaroon ng second season kaya may bagong shows sa primetime na ikinakasa ang GMA Public Affairs na baguhan ang cast.

Gretchen, walang pinipili sa ayuda

Kinukuha na ng malapit kay Gretchen Barretto ang listahan ng entertainment press para sa kanyang Pamaskong handog sa kanila.

Eh memorable ang gesture ni Gretchen nung kasagsagan ng pandemic sa ipinamigay niyang Love Box ng pagkain at iba pa sa workers ng movie and TV industry.

Natigil man ito, pero ngayong Christmas eh nagsimula nang kumuha ng listahan si La Greta ng bibigyan ng Christmas ayuda.

Walang pili-pili ito, ha! Kahit ano ang estado sa buhay, may regalo lalo na ‘yung less fortunates at hirap pa rin sa buhay dahil sa pandemic!

Mabuhay ka, Gretchen!