Derek, parang mamamatay ang pakiramdam sa altitude sickness

Sa Paris, France nagkaroon ng birthday celebration si Congressman Arjo Atayde kasama ang fiancée niyang si Maine Mendoza.

Eh sa darating na December ay fifth anniversary naman ng kanilang relasyon.

Malay natin, nag-pre nup shoot na rin ang couple sa Paris, huh!

Ang isa pang showbiz couple na nag-celebrate ng kanilang first wedding anniversary sa abroad ay ang mag-asawang Ellen Adarna at Derek Ramsay.

Sa bansang Peru sila bumiyahe kung saan nakadama ng altitude sickness si Derek ayon sa post niya sa IG.

Makikita sa kanyang IG stories na tila tinatawanan siya ng asawa sa kanyang naramdaman.

Feeling near death ang nadama ni Derek kaya naman nagpasalamat siya sa asawa sa pag-alalay sa kanya.

Samantala, pasyal-pasyal din sa Paris ang showbiz couple na sina Mikee Quintos at Paul Salas.

Yassi, wala pang kumpirmasyon sa GMA comeback

Kumakalat sa social media na ang teaser ng Kapuso sa comebacking actress sa network ay walang iba kundi si Yassi Pressman.

Balitang makakasama ni Yassi sa bagong series sa GMA ang TV adaptation ng Viva movie na Saan Nagtatago Ang Pag-ibig? si Ken Chan.

Co-production ng GMA at Viva ang project na unang pinagbidahan nina Vilma Santos at Tonton Gutierrez.

Wala pang kumpirmasyon ang GMA sa balitang ito.