Sharon, binunyag na tatlo ang nagka-COVID sa kanila pagkagaling ng Australia!

Matapos ang ‘working vacation’ ni Sharon Cuneta, kasama ang buong pamilya, former Sen. Kiko Pangi­linan, Kakie, Miel and Miguel, nagkaroon ng COVID ang tatlo sa kanila.

Bagama’t walang sinabi si Ate Shawie kung sino sa kanilang tatlo ang nagkaroon ng virus.

Nanghihingi lang siya ng dasal sa kanyang followers ang fans.

“Should’ve been a happy homecoming from Australia, but 3 family members now down with Covid. Please pray for the rest of our family and our household staff. (We use Aria tests made by Kakie’s genius best friend. Super accurate.)”

Minsan nang nag-false positive si Ate Shawie nung bibiyahe sana siya sa Canada para sa pelikulang Easter Sunday ni Jo Koy.

Aktres Jowa raw ng pulitikong natalo last election; Barbie at star ng Vivamax umabot sa demandahan ang sakitan dahil kay Diego!

 Naloka ang iba kung totoo ang sakitan nina Barbie Imperial at Vivamax star na si Debbie Garcia.

Sa CCTV lang nakita ang nasabing sakitan at hindi gaanong familiar sa iba si Debbie Garcia.

Naganap daw sa isang bar sa Quezon City ang nasabing rambulan ng dalawang babae dahil sa isang lalaki.

Hindi rin halos makilala ang mga ito dahil nga malabo ang kumalat na video at parang nakatalikod si Barbie.

Wala ring nakakaalam na niligawan or naging sila Diego Loyzaga at baguhang sexy star dahil si Franki Russell ang nababalitang girlfriend ng binata nina Cesar Montano and Teresa Loyzaga.

Ex-girlfriend ni Diego si Barbie na ayon sa isang source ay may boyfriend na ngayong pulitiko, na kumandidato sa isang partylist group pero natalo.

Kumalat kahapon na sinampahan na ng kaso ng baguhang sexy star si Barbie na habang sinusulat namin ito ay wala pang nilalabas na statement sa kanyang social media accounts.

Dennis at Jennylyn, super cute ang face reveal sa anak

Ang cute ng face reveal ng mag-asawang Dennis Trillo and Jennylyn Mercado sa kanilang first daughter, Dylan Jayde.

First time nga nilang ipinakita ang face nito sa kanilang Halloween pictorial.

“Sending kisses from our family to yours!  #hallooween2022 #dylanjaydeho,” ang post ni Jennylyn.

Si Dennis naman ay “ Happy Chocolatey Halloween!” lang ang caption.

Inspired sa brand ng sikat na chocolates ang outfit nila na lalong nagpa-cute sa kanilang baby.

Kapuso Bigay Premyo Panalo sa Pasko, nagsimula na!

Nagsimula na ng paghulog ng entries para sa ‘Kapuso Bigay Premyo Panalo sa Pasko’ kung saan may chance na manalo ang mga mamimili ng bagong house and lot at kalahating milyon naman para sa sari-store owners!

Aabot sa P11 milyong papremyo ang ipamimigay sa halos 2,000 winners dito sa pinakabagong promo ng GMA Network ngayong Kapaskuhan. May daily hanggang weekly prizes pa mula ?1,000 hanggang ?100,000.

Paano sumali? Bisitahin lang ang official website na www.gmanetwork.com/GMAPromos para sa kumpletong mechanics, listahan ng winners, at iba pang promo updates.

Maaaring magpadala ng entries hanggang Jan. 6, 2023.

GMA Kapuso Foundation, agarang naghatid ng tulong sa mga sinalanta ng Paeng

 Agad na nagtungo ang team ng GMA Kapuso Foundation (GMAKF) sa ilang mga bayan sa Camarines Sur, Maguindanao del Norte, Cavite, Antique, Iloilo, Catanduanes, Camarines Norte, at Quezon upang magbigay ng relief packs para sa mga nasalanta ng Bagyong Paeng.

Bahagi ito ng Operation Bayanihan ng GMAKF na resulta ng mga donasyong natatanggap nito.