Jomari at Abby, lutang ang saya

Natuwa naman akong makita sina Jomari Yllana at Abby Viduya. Parang ang saya nilang dalawa at masasabi mo talaga na kahit gaano kagulo ang journey mo sa buhay, iyon talagang para sa iyo tiyak matatagpuan mo pa rin pagdating sa dulo.

Nag-umpisa sila sa tuksuhan noong teeners pa sila, nanggaling na sila sa ibang relasyon, nagtagpo sila ulit. At ngayon inspiration pa ni Jomari si Abby sa kanyang hilig na car racing.

Bongga na ngayon meron nang Yllana Racing na si Jomari ang CEO at siyempre main racer. Happy together, at sana forever for Jomari and Abby.

Rhea, icon na rin

Mabait talaga si Rhea Tan ng Beautederm. ‘Yung sinabi niya na ang pangarap lang niya maging tulad nina Dra. Vicki Belo, Calayan at Aivee sa larangan ng beauty.

Hindi niya sinabi na gusto niyang lagpasan, o maging number 1, basta lang pangarap niya, samantalang kung titingnan mo parang sa sarili niyang linya number 1 na ang Beautederm.

At mismong si Rhea Tan isa na ring icon na matatawag. Young successful beautiful CEO, ‘di ba! Kaya nga, mas bongga ang maganda at mabait pa, hindi tulad ng mga pangit at basher, hayun mga loser, kasama ng mga inggitero at walang sawang kaplastikan.