Jericho, stage father sa anak na football player

Nagpaka-stage father si Jericho Rosales sa anak na si Santino Rosales sa football game ni Santino. Football player si Santino at member ng Davao Aguilas Football Club Team. Pinost ni Jericho ang video na nasa football sila ng anak at naglalakad at habang nag-uusap.

Sa comment na big boy na si Santino, “Kalabaw na” ang sagot ni Jericho dahil totoo namang malaki na ang anak. Saka, hindi lang football player si Santino, print at ramp model din siya at may isang post nga si Santino the model na napa-comment si Jericho ng “Wew! Fayar!!!”

May mga hindi makapaniwalang anak ni Jericho si Santino at akala’y tropa lang ng aktor. May mga nagbiro namang sila na ang aakyat ng ligaw kay Santino at may nag-comment pa na dati, si Jericho lang ang crush niya, ngayon pati na si Santino.

Carmina, kinilig sa dalaw ni Zoren

Kinilig si Carmina Villarroel nang bisitahin ng asawang si Zoren Legaspi sa set ng Abot Kamay Na Pangarap. Sweet na sweet ang mag-asawa sa photos at videos na pinost ni Carmina. Kaya naman bumisita sa taping ni Carmina si Zoren para i-congratulate ang asawa at cast ng hit Afternoon Prime sa patuloy na pagtaas ng ratings ng afternoon soap.

Sa caption ni Carmina na “Woohoo! Another visitor and this time it’s tatay! @zorenlegaspi he wanted to congratulate me in person because of Abot Kamay na Pangarap’s high ratings... Thank you honey. ARF ARF.”

Nauna nang bumisita kay Carmina sa set ng Abot Kamay Na Pangarap ang kambal nila ni Zoren na sina Mavy at Cassy. Nasa lock-in taping kasi si Carmina at nami-miss siya ng kanyang mag-ama.

RHYS, mapapanood na sa Kapuso

Mapapanood na sa GMA ang dating Kapamilya na si Rhys Miguel na naging controversial dahil sa akusasyong siya ay namolestiya. Mapapanood si Rhys sa episode ng Tadhana bukas.

Makakasama ni Rhys sina Kris Bernal, Maui Taylor, Boob Labrusca, Lance Raymundo, Shanelle Agustin, Shamaine Buencamino at marami pang iba. First project ito ni Rhys sa Kapuso Network at dahil contract star na siya ng Kapuso Network, tiyak na masusundan pa ng ibang projects.

Nasa Instagram story ni Rhys ang parang poster ng episode na Akin ang Bukas! na makikita ang kanyang mukha.