Na-disappoint ang maraming fans nila Julie Anne San Jose at Rayver Cruz dahil hindi sila nakitang rumampa na magkasama sa blood carpet ng Halloween Party na That Sparkle Spell.
Curious pa naman daw ang maraming netizens kung ano ang isusuot na costume ng JulieVer loveteam. Pero si Rayver lang ang naglakad sa carpet bilang si Riddler at kasama niya ang kanyang Kuya Rodjun Cruz na ang costume ay si Two-Face. Parehong mga kalaban ni Batman ang naisip nilang isuot na costume.
May netizen na nag-comment na kung nandoon daw sana si Julie Anne, baka ito raw ay si Catwoman or si Poison Ivy.
Among sa Sparkle Sweetheart loveteams, ang present ay ang AlFia nila Allen Ansay at Sofia Pablo. Costume nila ay mula sa animated film na The Corpse Bride. Nanalo pang Star of the Night si Sofia dahil sa costume niya.
Ang GabLil loveteam nina Gabbi Garcia at Khalil Ramos ay rumampa in matching denim outfits at ginaya nga raw nila ang suot nila Britney Spears at Justin Timberlake sa 2001 American Music Awards. Nanalo silang bilang Best Dressed Couple of the Night.
Ang YsaGuel loveteam nila Miguel Tanfelix at Ysabel Ortega ay rumampa as Edward Scissorhands and the Black Swan. Nanalo si Miguel bilang Scariest Costume ng gabing iyon.
Ang loveteam naman ng Return To Paradise na sina Derrick Monasterio at Elle Villanueva ay nag-costume bilang si Phantom at Christine sa The Phantom of the Opera.
Dumating naman as themselves sina Ruru Madrid at Bianca Umali dahil hindi naman daw sila nagse-celebrate ng Halloween.
Solo flight din ang mga nanalong Best Dressed Male and Female na sina Alden Richards at Andrea Torres. Costume ni Alden ang paborito niyang online game character na si Squall Leonhart mula sa Final Fantasy. Si Andrea naman ay nagdamit bilang si Ursula mula sa The Little Mermaid.
Nash at Mika, first time nagkasama sa paglipad!
Nag-celebrate ng kanilang 4th anniversary ang magsyotang sina Nash Aguas at Mika dela Cruz.
Nag-share si Nash sa kanyang Instagram ng naging anniversary dinner nila ni Mika. Nilagyan niya ito ng caption na: “Happy 4th My Love! I’m proud of us. I’m proud of you. I love you.”
Pinost naman ni Mika ang naging bakasyon nila ni Nash sa El Nido, Palawan. Ayon kay Mika, first time daw nilang mag-travel na silang dalawa lang para mag-celebrate ng kanilang anniversary. May caption ito na: “Almost 4 years together & this is the first time that I got to experience traveling by plane with you. Can’t wait for the next adventure where we are faced with countless opportunities for growth and creating core memories.”