Mukhang tuluy-tuloy na ang pagiging magkaibigang muli ng dating mag-asawang Cesar Montano at Sunshine Cruz na tila imposibleng mangyari nung early part ng kanilang paghihiwalay in 2013.
Masayang-masaya ang actor-director at film producer na si Cesar dahil kumpleto ang kanyang mga anak (sa limang babae) sa kanyang ika-60th birthday last August.
Except sa namayapa niyang second child (from the eldest) na si Angelo Manhilot who died at age 23 nung March 26, 2010, siyam lahat ang anak ng actor-director.
Bukod kay Cesar, in good terms din si Sunshine sa present partner ngayon ng actor na si Kath Angeles. Katunayan, bukod sa ika-18th birthday ng second daughter nina Cesar at Sunshine na si Samantha kung saan naroon din ang present boyfriend ni Sunshine na si Macky Mathay, kasama rin ni Buboy (Cesar) si Kath. Kamakailan lang din, sa ika-21st birthday ng panganay nina Buboy at Shine na si Angelina, muling nagkita sina Sunshine at Cesar kasama si Kath at tatlo nilang anak. Naroon din si Diego na very close sa kanyang younger siblings lalo na kina Angelina, Sam at Cheska.
Nagkaroon man ng hindi pagkakaunawaan sa pagitan ni Buboy at kanyang mga anak, ang lahat ng ito’y maituturing na ‘water under the bridge’ now.
Samantala, sinasabi namang hiwalay na umano sina Sunshine at Macky.
Kung si Sunshine ay annulled na ang kasal kay Cesar nung 2018, si Macky ay hindi pa sa dating misis nito na si Camille Farinas-Mathay kung kanino siya may tatlong anak.
Panganganak sa showbiz, sunud-sunud
Tila may celebrity baby boom sa taong ito sa rami ng female celebrities na nanganak at buntis ngayon.
Nakapagsilang na last April ang singer-actress at YouTuber na si Angeline Quinto ng baby boy na si Sylvio courtesy of her fiancé na si Nonrev Daquina na sinundan ng actress at dating beauty queen na si Winwyn Marquez last May. Baby girl ang isinilang ng anak ng estranged couple na sina Joey Marquez at Alma Moreno na may pangalan na Luna Teresita Rayn. Boy rin ang isinilang ng misis ni Slater Young na si Kryz Uy.
Sumunod naman dito ang actress-entrepreneur na si Dimples Romana last June 24 ng isa namang baby boy ang isinilang and her third child with husband na si Boyet Ahmee. Baby boy rin ang first baby ni Kitkat na si Uno Usher sa kanyang husband na si Walby Favia na ipinanganak naman last August. Baby girl naman ang first baby ng aktres na si Angelica Panganiban sa non-showbiz partner nito, ang Subic-based Australian businessman na si Gregg Homan na pinangalanang Amila Sabine.
Other preggy celebrities include Solenn Heussaff (her second) with husband na si Nico Bolzico na baby girl muli. Babae rin ang ipinagbubuntis ngayon ng second daughter ni Nadia Montenegro na si Ynna Asistio-Carbonell na nakatakdang isilang sometime in November this year at may naghihintay nang pangalan na Ava Zafina Asistio Carbonell or Baby AZ. Ang ipinagbubuntis ni Ynna ay magiging kauna-unahang apo ni Nadia sa kanyang namayapang longtime partner, ang dating mayor ng Caloocan na si Macario ‘Boy’ Asistio.
Ang iba pang buntis ngayon ay ang mag-sister-in-law na sina Iza Calzado at Bianca King, their first sa kanilang respective husbands, ang magkapatid na sina Ben at Ralph Wintle. Expectant mom din ang Kapuso singer-actress na si Rita Daniela sa kanyang unang baby courtesy of her non-showbiz boyfriend na hanggang ngayon ay ayaw pa rin niyang ipakialala ang tunay na identity.