Ricci, inaming ‘the one’ na si Andrea   

At 24 years old, para kay Ricci Rivero, ang girlfriend na si Andrea Brillantes na raw ang “the one.”

Sa exclusive interview ng basketbolista sa The Interviewer Presents ni Boy Abunda sa YouTube channel ng King of Talk, tinanong sa kanya ng TV host kung si Andrea na ang ‘the one’ at mabilis niya itong sinagot.

“I think siguro, yes,” seryosong sagot ni Ricci.

Naitanong din sa kanya ang kontrobersyal at memorable proposal niya kay Andrea last April sa basketball court kung saan nga ay tinanong niya ang aktres kung pwede niya itong maging girlfriend.

Ayon kay Ricci ay talagang matagal na niyang pinaplano ang proposal pero hindi raw niya alam kung kailan niya maisasagawa. He explained na kumbaga sa baril ay matagal na siyang nakakasa.

First time raw niyang ginawa ang ganu’n na isapubliko ang kanyang panliligaw kaya natanong ni Kuya Boy kung bakit siya nag-decide to make it public.

In fairness, nakakakilig ang sagot ni Ricci. Aniya, “siguro, tito Boy, sa akin, ‘yung gusto ko lang din talagang mapa-feel du’n sa tao na ‘di ba, alam mo ‘yun, parang proud ka, ‘yung ganu’n.”

Sey ni Kuya Boy, “you must be so in love with her!”

Sagot ni Ricci, “opo, tito Boy.”

Kwento pa ng UP Fighting Maroons player, sobrang mixed emotions daw talaga siya that time.

“Grabe ‘yung kaba, grabe ‘yung excitement and all. Pero ang nangingibabaw lang talaga is buo na ‘yung loob ko na gagawin ko siya no matter what,” sey ni Ricci.

Asked kung paano sila nagkakilala, aniya ay common friend daw. Pero prior to that, siyempre ay kilala na niya si Andrea at nakita na rin niya pero hindi raw siya kilala ng aktres.

Ion, tinigil na ang pagmo-motocross para kay Vice

Para sa katahimikan ng loob ni Vice Ganda, nagdesisyon ang asawa niyang si Ion Perez na itigil na ang pagmo-motocross.

Inanunsyo ito ni Ion sa kanyang latest vlog kung saan ay pinakita niya ang pagbuo ng kanyang biniling bike na siyang bago niyang hobby.

“Hindi na ako magmo-motocross, eh. Para sa katahimikan ng damdamin at puso ni Meme (Vice Ganda). Bike na lang tayo ulit, no, madlang people? Kaya lang parehas din, mahapdi sa bulsa,” sey ni Ion.

Matatandaan din kasing nagkaroon ng injury si Ion dahil sa kanyang pagmo-motocross at minsang nasabi na rin talaga ni Vice Ganda na talagang sobrang nag-aalala siya kapag nagmo-motor ang asawa.

Idi-dispose na raw niya ang kanyang mga motor at nagbiro pang ipapa-frame na lang niya.

Makikita rin sa video na sobrang happy and excited si Ion sa kanyang bagong hobby.