Pia, nagtatayo ng ‘empire!’

Pinasok ni Pia Wurtzbach ang food business nang i-launch ang Bestea kasama sina Pauleen Luna at Niña Almoro at sinundan ng Pia’s Kitchen na available online na ang takeaway ay nagpapalit ng menu every three months.

Ngayon naman, ilu-launch nito ang own line niya ng rugs and carpets : “I didn’t think I’ll have this kind of connection with home design but here I am designing my first carpets. It’s been a joy for me and I hope you guys like it too!”

Available na sa @studiosoliven ang rugs and carpets designed by Pia at sa rami ng inquiries at gustong bumili, hit na naman ang business nito!

Tama ang comment ng isang netizen na Pia is building an empire.

Jean, kinaaawaan at kinaiinisan

Simula sa Sept. 26, sa dalawang serye na mapapanood si Jean Garcia, sa hapon, mapapanood siya sa Nakarehas Na Puso at sa gabi, sa Lolong naman. Mag-aabot pa ang dalawang series dahil kundi last week pa ng September ang finale ng Lolong.

Ang maganda pa, sa Nakarehas Na Puso, bida si Jean at sa Lolong ay kontrabida naman siya – kung sa hapon ay kaaawaan siya, sa gabi kinaiinisan naman siya.

Dahil mahusay na artista, pareho niyang nagagawa nang maayos ang dalawang karakter at tiyak kaming, tatatak din sa viewers ang karakter niyang si Amelia sa afternoon prime.

Speaking of Jean, puwedeng-puwede ring mag-artista ang anak nitong lalake na si Kotaro, pero mas bet yata ng bagets ang maging dancer. Ang husay-husay nitong magsayaw at sa kanyang looks, papasa siyang K-pop idol.

Rochelle at Coco, nag-reunion

Nakakatuwa ang caption ni Rochelle Pangilinan sa pinost niyang behind the scenes o BTS photo sa shooting ng MMFF entry ni Coco Martin na Labyu With An Accent katambal si Jodi Sta. Maria. Ang caption ni Rochelle ay “Ang probinsyana... Tsar! Soon...”

Bale reunion din nina Rochelle at Coco ang pelikula dahil nagkasama na sila sa Daisy Siyete dati na bida ang Sexbomb na kinabibilangan ni Rochelle. Sa pelikula, bida si Coco at siya rin ang director, kaya ang makakatrabaho niya ay actor-director na.

Natatandaan ng fans na hindi siya kundi si Cheche ang love interest ni Coco sa Daisy Siyete na pati ang title ng episode na Isla Chikita ay naaalala pa rin ng fans. Sana raw, isinama ni Coco si Cheche sa kanyang pelikula para reunion talaga.

Nico at Tili, kapiling na ulit ni Solenn

Ang gandang panoorin ang video na in-upload ni Nico Bolzico sa muling pagkikita ng mag-inang Solenn Heussaff at anak nilang si Tili. Nagbakasyon kasi sina Nico at Tili sa Argentina at one month sila roon habang naiwan sa Pilipinas si Solenn at kalaunan, lumipad pa-Paris for her “Me” time.

Back in Manila na ang mag-anak at kung gaano kaganda ang video ni Nico ng mga kuha ni Tili sa Argentina, ganu’n din kaganda ang ginamit niyang song at ang mga eksena ng mag-ina.

Sabi ni Nico, “We miss the horses, the calves, the farms, the green fields, our new friends, our pinsans, our abuelos, our tiod, the plaza, the parks; we miss everyone and everything from our second home; but nothing compares to how much we missed mama!”