First time pa lamang pala ni Kapuso Primetime Princess Barbie Forteza, sa lock-in taping, sa shoot nila ng upcoming GMA historical portal fantasy series na Maria Clara at Ibarra, na on location sila sa Vigan, Ilocos Norte.
“Yes po, kasi iyong mga ginawa kong series dati na pandemic na, like ‘yung first episode ng Mano Po Legacy, ay sa Manila lamang ang location, kaya pwede na ang uwian pagkatapos ng taping, at hindi kailangan ang tuluy-tuloy na taping,” kuwento ng Kapuso Primetime Princess. “Kaya thankful po ako kay Jak (Roberto) na tinulungan niya akong ihanda kung ano ang dapat kong dalhin sa taping kasi more than one month po ang lock-in taping namin sa Vigan. Ipinadala po niya lahat ng mga ginamit niya sa lock-in taping niya ng Bolera, like ‘yung portable washing machine, pati ‘yung mga lutuan, na kailangan talaga kung gusto kong magluto. Nag-enjoy naman kaming lahat, kasi three days straight taping, rest day, tapos straight two days naman.”
Malapit nang mapanood sa GMA Telebabad ang Maria Clara at Ibarra na gagampanan ni Julie Anne San Jose ang role ni Maria Clara, si Dennis Trillo ay si Ibarra, at si Barbie ay si Klay, na mula sa Gen Z, na pumasok sa panahon ng Noli Me Tangere at El Filibusterismo ni Dr. Jose Rizal, at makikilala niya roon ang mga pangunahing tauhan ng historical portal fantasy.
Alden, nagpasalamat
Any day now, nakabalik na sa bansa si Asia’s Multimedia Star Alden Richards pagkatapos ng successful four night concerts niya sa San Diego, California at Chicago, Illinois, with his special guest, singer-actress Sue Ramirez, na natapos noong Sept. 10. Nagpasalamat ang aktor sa fans na sumuporta sa kanilang concert at nagbigay rin ng donations para sa kanyang ForwARd concert na naglalayong makatulong sila sa scholars ng kanyang AR Foundation, Inc.
Malamang mag-shoot muna sina Alden at Bea Alonzo ng ilang eksena pa ng malapit na ring mapanood na pinakabagong drama series sa GMA Telebabad, ang Philippine adaptation ng hit Korean drama series na Start-Up. Aalis din kasi si Bea on Sept. 23 para sa concert ng GMA Pinoy TV na Together Again on Sept. 24 & 25.
Together Again will feature Lani Misalucha, Julie Anne San Jose, Rayver Cruz, Bea Alonzo and Dingdong Dantes. Magaganap ito sa Pechanga Resort Casino, Temecula, California.
Sa Sept. 26 na ang world premiere ng Start-Up Philippines.