Deniece Cornejo, determinado sa kasong rape kay Vhong
“She’s okay, she’s in good spirits,” ang pahayag ni Atty. Ferdinand Topacio nang kumustahin sa kanya ng entertainment press ang kliyente niyang si Deniece Cornejo hinggil sa nabuhay na namang rape case with Vhong Navarro.
“Sabi niya, she has placed her faith in the Lord and the Lord has delivered her and vindicated her,” dagdag pa ni Atty. Topacio.
Nakatsikahan ng working press ang legal counsel ni Deniece sa mediacon kahapon ng pelikulang Mamasapano which he produced under his own film outfit, Borracho Films.
Ayon pa kay Atty. Topacio ay ngayon lang ulit nabubuong muli ang buhay ni Deniece matapos nga ang kontrobersyal na kaso nila ni Vhong na nagsimula pa noong 2014.
When asked kung mag-aartista pa ba si Deniece, ayon kay Atty. Topacio ay mukhang hindi na raw.
“Parang ayaw na niya, eh. I think she’s happy where she is. Nakatapos siya ng mga kurso and she has placed her life in the service of the Lord,” saad ni Topacio.
Natanong din ang lawyer/producer kung ano ang posibilidad na iurong ni Deniece ang kaso laban kay Vhong at aniya, “well, I do not know, but as of now, based on my latest conversation with her over the phone, she’s determined to see this thing through.”
Samantala, excited na si Atty. Topacio na finally ay mapapalabas na sa sinehan ang pelikulang Mamasapano. Naghahanap na raw sila ng playdate and probably ay before Metro Manila Film Festival.
Ang Mamasapano movie ay tungkol sa SAF 44 soldiers na na-massacre sa Mamasapano in Maguindanao noong 2015. Pinagbibidahan ito ni Edu Manzano mula sa direksyon ni Lester Dimaranan and Law Fajardo.
Wakas ng Apoy… pinag-usapan
Phenomenal ang naging pagtatapos ng top-rating GMA Afternoon Prime series na Apoy sa Langit noong Sabado, September 3.
Nagtala ang serye ng overnight people rating na 10 percent sa National Urban TV Audience Measurement base sa ratings data ng Nielsen Philippines.
Bukod dito, pinag-usapan at tinutukan din ito online. Umabot na sa 4M views and counting ang naturang episode sa Facebook page ng GMA Drama.
- Latest
