Alden, bet na bet ng girls and boys ng sparkle!   

Sinorpresa ni Asia’s Multimedia Star Alden Richards ang GMA Artist Center Sparkle nang bigla siyang mag-appear sa inihandang workshop ng network sa baguhang stars.

Nagulat silang lahat dahil hindi nila in-expect na may bibisita sa kanila. Ang mga Sparkle artist kasi, kapag in-interview mo, ang girls, kung sino ang gusto nilang makapareha among the GMA artists, halos iisa ang sagot nila: si Alden Richards.

Ang guys kapag tinanong kung sino ang gusto nilang tularang GMA actor, si Alden pa rin ang sagot nila. Kaya naman lahat ng participants are all eyes and ears, habang isini-share sa kanila ni Alden ang experiences niya nang magsimula pa lamang siya at hanggang ngayon, na hindi naman maikakailang isa pa rin siya sa toprating actor and performer.

Kaya after magsalita ni Alden sa kanila, hindi nawala ang photo op nila sa kanya.

Nasa last few days na lamang ng taping si Alden at ang cast ng Start-Up Philippines na adaptation ng top rating K-drama series from South Korea, with Bea Alonzo, Jeric Gonzales, Yasmien Kurdi, Kim Domingo and director-actress, Ms. Gina Alajar.

Klea, pasadong kontrabida

Kung dati ay hinahangaan ng netizens and viewers si Kapuso actress Klea Pineda sa dramatic roles na ginampanan niya, this time ay pasado rin siya bilang isang kontrabida, sa Bolera, nina Kylie Padilla at Rayver Cruz.

Ang daming nag-comment na netizens na “ang sarap niyang tirisin, sabunutan at kalbuhin.” 

Nagpasalamat naman si Klea sa comments na nabasa niya, effective raw pala ang pang-aasar niya kay Kylie sa mga eksena nila. Maraming nagtatanong kung special guest lang ba si Klea, sa sportserye na napapanood 8:50 p.m., after Lolong, sa GMA 7.

Mamay…, sa Amerika muna

Nangungumusta si Comedy Queen AiAi delas Alas sa kanilang afternoon Prime series na Raising Mamay, sa co-stars niya na sina Shayne Sava, Abdul Raman, Gary Estrada, Joyce Ching at Ms. Valerie Concepcion. Nasa last two weeks na lamang kasi ang serye na puring-puri ng netizens ang pagganap ni AiAi bilang si Mamay na dahil sa isang aksidenteng nabaril siya sa ulo ay nabuhay nga siya, pero bumalik ang kaisipan niyang isang bata.

Napapanood ang Raising Mamay daily, after ng Apoy sa Langit, 3:25 p.m. sa GMA 7.

Sa ngayon kasi ay nasa San Francisco, California pa si AiAi with husband Gerald Sibayan, at very successful ang kanilang baking business na ube pandesal at tinatangkilik ng mga kababayan natin doon.

Malamang bumalik siya sa bansa kapag magsisimula na ang The Clash 5 edition.