Alden, walang magiging pahinga!   

Happy si Asia’s Multimedia Star Alden Richards dahil tuluy-tuloy na ang taping ng new teleserye niya sa GMA Network, ang first project nila ni new Kapuso actress Bea Alonzo, ang adaptation ng Korean drama na Start-Up Philippines. Thankful din si Alden na nagsimula nang mapanood sa Netflix ang The World Between Us drama series nila nina Jasmine Curtis-Smith at Tom Rodriguez last June 17.

Ang said teleserye rin ay magiging available na for streaming on Amazon Freevee simula sa June 22, 2022. Ang Amazon Freevee ay dating IMDb TV, a streaming video service with thousands of premium movies and TV shows, including originals and FAST channels, available anytime at for its premiere offering, GMA International will launch the romance drama series.

At pagkatapos ngang mag-taping ni Alden ng Start-Up Philippines, tuloy na ang kanyang Forward Alden Richards US Tour coming this August to September 2022, produced by his AR Productions, for his AR Foundations, Inc. with his special guest. Sino kaya siya?

Wala pang confirmation ang kumakalat na balitang sa paglipat daw ni Matteo Guidicelli ay kasama niya ang wife niyang si Sarah Geronimo na tinawag na great artist ng 21st Century, matapos kumalat ang isang artcard na sa picture ay masasabing si Sarah iyon. Pero wala pang sagot sina Matteo at Sarah, ganoon din ang GMA Network. 

Ang balita ngayon ay nabili na raw ng GMA ang rights na mapanood ang The Voice Kids. Ang nasabing singing contest for kids ay dating napanood sa ABS-CBN, na isa sa mga coach nito ay si Sarah.

Anyway, after Miss Granny, muling mapapanood si Sarah sa GMA 7, today, Sunday, June 19, sa Star Cinema movie na Finally Found Someone, isa sa movies na pinagtambalan nila ni John Lloyd Cruz, na ginawa noong 2017. Mapapanood ang Finally Found Someone pagkatapos ng All-Out Sundays at 2:00 p.m., sa GMA 7.

Morissette, balik-TV5

Balik-TV5 ang Asia’s Phoenix na si Morissette, at siya ang bagong Jukeboss sa Sing Galing Kids. Ang Sing Galing ang pinakaunang Karaoke game show sa bansa at ngayon ay mayroon nang kauna-unahang kids’ edition. Bilang bagong Jukeboss, makakasama ni Morissette ang mga tinitingalang OPM hitmakers at showbiz icons na sina Jessa Zaragoza, Dingdong Avanzado, Ronnie Liang, Ethel Booba, Allan K, Ariel Rivera, Jona at si Mr. Rey Valera.

“I am truly honored to be a part of a family that celebrated the precious talents of our young singers, I am proud to witness the start of their journeys,” sabi ni Morissette, na nagsimula bilang contestant sa Star Factor ng TV5, na doon niya nakuha ang title na Asia’s Phoenix nang mag-perform siya as representative ng Philippines sa 14th Asia Song Festival sa South Korea in 2017.

Magsisimulang mapanood si Morissette sa Sing Galing Kids this July, kasama ang hosts na sina Randy Santiago, K Brosas at Donita Nose. Abangan ang reveal ng isa pang Jukeboss na kukumpleto sa Sing Galing Kids roster of judges.