Ysabel, pasisikatin ng GMA

Naalala tayo Salve a ni Michelle Ortega na padalhan ng mga mangga na ani sa farm nila ng mister niyang si Gen. Gregorio Pimentel.

Ang bait talaga ng Ortega/Pimentel family, sila Robert at Michelle na parang mga anak ang turing ko dahil talagang parang nanay ang turing nila sa akin.

Kaya naman lagi na sinusundan ng suwerte ang magkapatid na Ortega, kasi hindi sila nakakalimot.

Ipinagmamalaki ni Michelle na matamis ang mga bungang mangga ng kanilang mango farm na pinadalhan din si Gorgy.

Samantala, kabilang sa Sparkle (talent arm ng GMA 7) ang anak nilang si Ysabel Ortega na mabait at talented kaya naman pinu-push ni Direk Johnny Manahan para lumaki pa ang pangalan ni Ysabel.

Marian, ideal endorser

Ang ganda talaga ng photos nila Marian Rivera at Cris Roque ng Kamiseta Lotion Blancare. Kitang-kita mo agad ang chemistry nila na magi­ging dahilan para matiyak mo na magiging tagumpay ang collab nilang dalawa.

Ang bait kasi pareho nila Marian at Cris kaya alam mo na magiging bongga ang kanilang product na ini-launch. So far, hanggang ngayon number 1 pa rin endorser si Marian ng mga product na alam mo na bagay sa kanya at ginagamit niya. 

Kaya naman pati followers niya binibili ang ini-endorse niya kasi nga alam nila na pag sinabi ni Marian ginagamit niya talaga.