Kasama ni Anne Curtis ang asawang si Erwan Heussaff at anak na si Dahlia sa reunion nila nina Angel Locsin, Angelica Panganiban, Dimples Romana at Bea Alonzo. Wala lang sila sa photos na lumabas, pero sa IG story ni Angel, makikita si Dahlia na hinahabol at nilalaro ang mga alaga niyang manok at maririnig si Anne na nagtatanong kung puwedeng hawakan ang mga manok.
Makikita rin sa IG story ni Angel na kinakausap ng dyowa ni Angelica na si Gregg Homan si Dahlia na busy nga sa paghabol sa mga alagang manok ni Angel. Malalaki na ang mga manok na nang unang i-post ni Angel ay chicks pa lang.
Naka-tag din si Erwan sa post ni Angel at maririnig din sa background na kinakausap siya ni Angel.
Maaalalang nagkasama sina Angel at Bea sa Star Cinema movie na Four Sisters and a Wedding at kasama rin nila sina Shaina Magdayao at Toni Gonzaga.
Rhian, tahimik pa sa pagkaka-link sa frontrow owner
Nali-link si Rhian Ramos kay Sam Verzosa, co-founder and co-owner of Frontrow. Kung ‘di kami nagkakamali, nagkakilala ang dalawa nang mag-guest co-host si Rhian sa Wowowin at nagkataong dinalaw ni Sam si Willie Revillame.
Wala pang reaction si Rhian sa pagkaka-link kay Sam Verzosa, pero bakit sa Google, nakalagay na married si Sam? O baka Ibang Sam ang tinutukoy ng Google na may asawa.
Kung may face to face presscon lang ang Artikulo 247, matatanong sana si Rhian sa pagkaka-link niya kay Sam.
Sa March 7 na kasi ang premiere ng bagong Afternoon Prime ng GMA 7.
Anyway, may post sa Instagram si Rhian tungkol sa Artikulo 247 na kung saan, kasama niya sina Kris Bernal, Mark Herras, Benjamin Alves, at Mike Tan.
Ginagampanan ni Rhian ang role ni Jane Ortega na aakusahan ni Klaire Almazan (Kris Bernal) na pumatay sa kanyang asawa. Si Jorron Monroy ang director nito.
Michelle, malakas ang laban sa Miss U PH?!
Kabilang ang Kapuso star na si Michelle Dee sa napabilang sa Top 50 candidates ng Miss Universe Philippines at ire-represent niya ang Makati. Marami sa mga taga-showbiz ang nag-congratulate kay Michelle at masaya rin ang kanyang supporters.
Nang manalong Miss World Philippines si Michelle, marami ang nagsabing kailangang sumali siya sa Miss Universe Philippines at heto nga na, sumali siya. This early, marami na ang nagsasabing mananalo siya at tapos na nga raw ang laban.
Sa April na ang coronation ng 2022 Miss Universe Philippines at magiging busy siya sa rehearsal. Mabuti na lang at wala siyang teleserye sa GMA 7 ngayon, sa Book 2 ng Agimat ng Agila siya kasama at puwedeng ipa-advance ni Sen. Bong Revilla ang taping para hindi maapektuhan ang paghahanda niya.
Bongga nga si Bong at puro beauty queens ang kasama sa Book 2 ng Agimat ng Agila dahil bukod kay Michelle, kasama rin sa cast sina Rabiya Mateo at MJ Lastimosa.
Maricel, guest sa sitcom ng mga Quizon
Hindi namin alam kung naipalabas na, pero nag-guest si Maricel Soriano sa sitcom ng mga Quizon na QuizonCT na napapanood sa Net 25. Mga bida sa sitcom sina Eric, Epy at Vandolph Quizon kasama ang wife ni Vandolph na si Jenny.
Sabi ni Maricel, “Masaya ako at nakasama ko ang mga mahal kong kapatid na sina @eric_quizon, @epy at @vitovandolf.”
And speaking of Maricel, nag-celebrate ito ng kanyang birthday noong Feb. 25 at kabilang si Vice Ganda sa mga dumating sa small birthday dinner niya. Nakita rin namin sa dinner sina Eric at Epy, Dolor Guevarra at mga anak nito.