Si Jasmine Curtis-Smith pala ang first special guest ni John Lloyd Cruz sa first project niya sa GMA Network, ang sitcom na Happy ToGetHer na pilot episode na tomorrow, Dec. 26, 7:40 p.m. Napabalita kasi noon na either si Jasmine or si new Kapuso actress Miss Universe Philippines 2020 Rabiya Mateo, pero nasabay yata sa lock-in taping ni Rabiya ng Agimat ng Agila, kaya hindi siya na-puwede.
Tamang-tama naman na tapos na ni Jasmine ang lock-in taping nila ng The World Between Us.
Muli nang napapanood ang drama series na nagtatampok din kina Alden Richards, Tom Rodriguez at Sid Lucero.
Mga bagong kapuso serye, may patikim
Sunud-sunod na rin ang pagpapalabas ng teaser ng GMA Network ng mga upcoming shows nila. Tonight, mapapanood ang Christmas special nila titled: Paskong Pangarap: The 2021 GMA Special featuring The Clash winners kasama ng Kapuso stars, 7:40 p.m. sa GMA 7.
Sa pagpasok ng 2022, ipalalabas na rin Prima Donnas Season 2, na mabubuo na ang Donnas na sina Jillian Ward, Althea Ablan at Sofia Pablo, na pansamantalang hindi natapos ang serye nang magkaroon ng pandemic at hindi siya puwedeng magtrabaho dahil wala pa siyang 15 years old noon.
Based sa teaser, mayroon na silang kani-kanilang ka-love team.
Mapapanood na ito sa January 2022.
Magbabalik din si Beauty Gonzalez, na unang napanood sa Stories From the Heart: Loving Miss Bridgette, at sila naman ni Kapuso Primetime King Dingdong Dantes ang magtatambal sa mini-series na I Can See You:AlterNate, na gaganap in a dual role si Dingdong.
Mapapanood na rin ang mini-series this January, sa GMA Telebabad.
Andi, ido-donate ang kikitain sa vlog
Nagpasalamat si Andi Eigenmann na nasa Manila silang mag-anak nang dumaan ang malakas na bagyong Odette sa kanila sa Siargao Island. Sisiguraduhin daw nilang muling maitayo ang bahay nila roon: “We are grateful that our family and friends are safe, but most of them have lost their homes and are in need of food, water, among others,” Instagram post ni Andi. “We’ll be using our earnings from our coming videos to help slowly rebuild our island home. Siargao has brought so much magic to my life and this will be our way of giving back to our community to our home.”
Ido-donate rin daw ni Andi ang kikitain nila ni Philmar (Alipayo) sa kanilang Christmas vlogs. Nasa Manila pa rin sina Andi at mga anak na sina Ellie, Lilo at Koa. Bumalik na sa Siargao si Philmar.