Zia, maraming alahas na mamamana kay Marian!

Ang suot na Bulgari necklace ni Marian Rivera sa post niya tungkol sa teaser ng kanyang Floravida Clothing Line ang prenesyuhan ng netizens. Hindi na nga siguro masyadong binasa ang post ni Marian na “Raise your hand if you’re excited for the floravida clothing line” dahil tumutok sila sa suot ni Marian na fan-shaped necklace.

Kung tsini-check n’yo ang IG ni Marian at ang mga suot nitong alahas, nakalulula ang mga presyo.

Comment nga ng netizens, ang suwerte ni Zia sa rami nang mamanahin niyang jewelry sa mom niya.

‘Di pa napapatawad si Andi!

Sa isang interview kay Albie Casiño, masaya ito at hindi raw siya nagpapaka-plastic sa pagsasabing happy siya sa ipinarating ng mga kaibigan niya na mataba si Andi Eigenmann ngayon.

Hindi pa rin makalimutan ni Albie na siya ang itinuro noon ni Andi na ama ng anak na si Ellie na itinanggi ni Albie dahil hindi naman talaga siya ang ama at napatunayang nagsasabi siya ng totoo. Lumabas na si Jake Ejercito ang totoong ama ng anak ni Ellie.

Dahil sa isyung ‘yun, naapektuhan career ni Albie at dapat nga pala siya ang ka-love team ni Kathryn Bernardo. May mga project siyang hindi natuloy, kaya  naintindihan ng netizens kung hanggang ngayon, masama pa rin ang loob niya.

May mga hindi nagkagusto sa mga sinabi ni Albie, pero mas marami ang naintindihan siya, pero wish nila, patawarin na ni Albie si Andi.

Naka-move on na nga si Andi sa isyu at masaya ang buhay sa Siargao sa piling ng partner at dalawang anak. Plus Ellie, tatlo na ang anak ni Andi.

Joyce bida sa Regal...

Comedy-suspense ang episode ng Regal Studio Presents: The Truth About Jane  na mapapanood sa Sunday, 4:35 p.m., sa GMA-7. Tampok dito sina Joyce Ching, Kiray Celis, Ashley Ortega, Anna Vicente, at Dave Bornea.

Istorya ng uncanny ghost na ginagampanan ni Joyce ang episode, matatakot at matatawa kayo sa Halloween episode na iyon.