Angel, nagmakaawa kay Marian na turuang magluto ng spaghetti

Friends sina Kapuso Primetime Queen Marian Rivera at Angel Locsin, bago pa man umalis sa GMA si Angel, at hanggang ngayon naman, hindi man sila nagkikita, may social media na pwede silang mag-usap. Like recently, nag-aral palang magluto si Angel ng spaghetti para sa hubby niyang si Neil Arce. Pero hindi naging successful si Angel, at pinost nga niya sa IG story na maasim ang timpla ng kanyang spaghetti. Napanood pala ito ni Marian kaya nag-message siya kay Angel na tuturuan niyang magluto ng spaghetti. Nakakatawa ang sagot ni Angel: “Please Marian, parang awa mo na!” Sagot naman ni Marian, “sige, sabihin mo lang kung kailan, tuturuan kita.”

Si Marian pa ba, eksperto na siya sa pagluluto ng iba’t ibang pagkain!

Loving Miss Bridgette… hinihiritan ng book 2

Finale week na simula ngayong Monday ng unang teleserye ni new Kapuso actress, Beauty Gonzalez, na humamig ng matataas na rating sa GMA afternoon prime, ang Stories from the Heart: Loving Miss Bridgette. Nag-click nga ang tambalan nina Beauty at young actor na si Kelvin Miranda, at kahit May-December affair ang story nila, nagustuhan ito ng netizens kaya naman may request sila kay director Adolf Alix at sa GMA na sana ay magkaroon ito ng book 2. Salamat daw kung pagbibigyan sila ng GMA.

Gina, inginudngod si Claire

Mahirap daw palang kaeksena ang mahusay na actress-director na si Gina Alajar, pero ang gandang panoorin na kasama siya ng mga mahuhusay ding artista, comments ng netizens sa nag-trending na eksena ng Nagbabagang Luha. Tinaon pa ng GMA 7 na ipalabas ng Saturday afternoon, Oct. 9, ang eksenang nabuko na ang pagsisinungaling ni Cielo (Claire Castro) na buntis siya, kaya tinutukan ito ng viewers, after ng Eat Bulaga. Ang eksena ay baby shower ni Cielo sa anak daw nila ni Alex (Rayver Cruz) pero nalaman na ng Ate Maita (Glaiza de Castro) niya ang totoo kaya kahit anong pagsisinungaling ni Cielo ay buko na siya at nalaman na rin ni Calida (Gina Alajar) at Alex.

Gulat ang mga kaeksena ni Calida sa tuhog na eksena nang bigla niyang sampalin at hilahin si Cielo at ingudngod sa isang red cake. Parang hindi kasi sila handa sa magaganap na eksena at kita ang gulat sa faces nina Glaiza, Rayver, Myrtle Sarrosa at Mike Tan.

Last two weeks na lamang ang Nagbabagang Luha at aabangan pa raw ng netizens kung magpapatalo na si Cielo sa pagiging obsessed niya kay Alex.