Alden buking, nag-ulit ng outfit

May apela ang viewers ng GMA ­Telebabad series na The World Between Us nina Alden Richards, Jasmine Curtis-Smith at Tom Rodriguez, kina direk Dominic Zapata at production staff nito. Simula kasi noong Monday, August 9, sinimulan na ang chapter two ng romantic-drama series, na lumipas na ang five years na nagkahiwalay sina Louie (Alden) at Lia (Jasmine). Kaya dapat daw ay new look na rin si Louie, dahil may position na siya sa Prime Mobile, kaya dapat clean cut na rin siya, bago na ang wardrobe niya. May nag-comment nga na luma na raw ang coat na suot ni Alden sa isang scene, na isinuot na raw nito noon sa teleseryeng Destined To Be Yours, ibahin na rin daw ang hair style niya, na hair style niya five years ago.

Tingnan natin kung susundin ng production ang requests ng viewers.

Ed Sheeran, kakanta sa AOS

Ayon kay Willie Revillame, tulad ng kanyang Tutok To Win ng Wowowin, naipakiusap din daw niya sa pamunuan ng Clark International Airport at IATF, na every Sunday during ECQ ay doon din mag-live show ang Sunday noontime show ng GMA Network na All-Out Sundays. Ibig sabihin, doon mapapanood this Sunday, August 15, ang paggi-guest ng most in-demand singer and songwriter na si Ed Sheeran?

Isa sa songs na nagustuhan ng mga Pinoy kay Ed Sheeran ay ang Thinking Out Loud but this Sunday the singer-songwriter will perform his latest single Bad Habits.

Maine, sumuko sa kantahan

Ilang araw nang hindi napapanood si phenomenal star Maine Mendoza sa Eat Bulaga, dahil tinatapos muna niya ang taping ng ilan pang episodes ng kanyang bagong show na Maine Goals for Cignal TV and APT Entertainment, na sinusubukan niya ang iba’t ibang klase ng buhay. Nagustuhan ni Maine ang concept ng show, dahil may bucket list siya talaga ng mga bagay na gusto niyang gawin, na hindi rin niya kailangang umalis at dumayo sa malayong lugar.

Sinubukan ni Maine ang maging kutsero, farmer na talagang nagtanim siya, inakyat din niya ang matataas na lugar, nagpinta rin siya kasama ng mga pintor sa Angono, Rizal, sumakay sa banana boat, kahit nahulog siya sa malalim na dagat. Pero ang hindi kinaya ni Maine ay ang challenge ng kasama niya sa EB, si Eat Bulaga Shy Singer, si Khevin Almario, na after ng ECQ ay kakanta siya ng 25 songs na inayos na ni Khevin. Ang sagot ni Maine: “Block. Report user. #BoycottKhevinAlmario”

Naniniwala raw kasi si Khevin na kaya iyon ni Maine, dahil maganda ang singing voice nito. Wish ng fans, tanggapin pa rin ni Maine ang challenge.