Para sa kanila ni Ellen, Derek nagpapagawa ng bagong bahay?!

Pinost na uli ni Derek Ramsay sa Instagram na for sale ang luxury car niyang 2017 Aston Martin D11 c niya. Actually, last year, nag-post din si Derek na he is selling his luxury cars, tatlo ‘yun kasama ang Aston Martin. Ngayon, isa na lang ang pinost ng aktor na for sale, nabenta na siguro ang dalawa.

Hindi sasabihing walang pera si Derek, kaya nagbebenta ng sasakyan. Ang yaman ng aktor at marami pa siyang luxury cars sa kanyang garahe.

Naintriga pala ang mga nakabasa sa isang post ni Derek sa IG kung saan kasama niya sa litrato ang mga taga-Draco Builders na the best daw at may nabanggit na “I can’t wait to start our next home together.”

Tanong ng netizens, balak ba ni Derek na magpatayo uli ng bahay? Ang netizens na rin ang sumagot na baka ang magiging bahay na nila ni Ellen Adarna ang kanyang ipatatayo dahil nabanggit nito na si Ellen na ang  “the girl for him.”

Richard, pinag­hahandaan si Heart

Maganda ang billing ni Richard Yap sa poster ng I Can See You: On My Way To You na magpi-premiere sa March 22, after First Yaya. Nakasulat sa poster na “special participation” ang pangalan niya at solo lang ang pangalan niya.

Bida rito sina Ruru Madrid, Shaira Diaz at ang bilis daw nilang nag-bonding, pati si director Mark Reyes.

Ready na rin si Richard sa lock-in taping nila ni Heart Evangelista para sa series na I Left My Heart in Sorsogon.

Dingdong at Boobsie, pinalitan sina Janno at Kitkat

Kasama na ang litrato at pangalan ni Dingdong Avanzado sa mala-poster ng Net 25 ng hosts ng noontime shows nilang Happy Time. Dati, pinahulaan pa kung sino ang papalit kay Janno Gibbs na makakasama ni Anjo Yllana, may tumama sa hula at tama sila, si Dingdong nga ang kapalit ni Janno.

Si Boobsie Wonderland naman ang ipinalit ng Net 25 kay Kitkat na kasabay ni Janno na inalis sa show dahil nag-away na umabot sa online dahil sa game show segment ng Happy Time.

Halos pareho sina Janno at Dingdong, nagho-host at nagpi-perform din at ganu’n din si Boobsie. Mas malakas lang ito pagdating sa comedy at kumakanta rin. Kasama na rin sa show si CJ Hirro.

Sanya, napansin ang husay sa akting

Matutuwa nito si Sanya Lopez dahil kinilala ang husay niya sa acting at hindi na

lang ang ganda ng katawan at pagpapaseksi ang napansin sa kanya. Nominated si Sanya as best supporting actress sa 4th Eddys Award para sa pelikulang Isa Pang Bahaghari. Noon pa pangarap ng aktres na mapansin hindi lang sa pagpapaseksi at natupad na nga.

Aminado si Sanya na hindi niya teritoryo ang drama, mabuti at hindi inurungan ang hamon nang kunin para sa nasabing pelikula. Nailabas niya ang husay sa pag-arte at mas lalo itong matutuwa kapag siya ang nanalo.