Peke pala ang pamamasada ni Eric Fructuso ng tricycle sa Naic, Cavite dahil ang paliwanag ng aktor, kaya niya pinost ang litrato na nagmamaneho siya ng trike para maka-motivate at maka-inspire sa mga taong nawawalan na ng pag-asa.
Sagot ni Eric sa nagtanong kung totoo or picture lang ang kanyang post, “picture lang to motivate and inspire.”
Sabagay, ang caption naman niya sa nag-viral na post ay “Times like these hindi pwedeng kaartehan ang paiiralin. Basta legal na pagkakakitaan para sa mga anak, tirahin lang ng tirahin!”
Set ni Sharon, gusto ring pasukin ni Luchi
Si Wilma Galvante pala ang producer ng Usapang Real Life hosted by Luchi Cruz-Valdes na ang pilot episode kagabi ay guest si KC Concepcion. Nalaman namin ang tungkol dito dahil sa nabasang comment ni Ms. Wilma sa IG Page ni Sharon Cuneta.
Comment ni Ms. Wilma, “You have a beautiful first born inside and out, my dear Sharon. I am so grateful that she obliged us this interview, it’s my production company that’s producing this show and I so admire how candid KC was with her conversation with Luchi. Warm hugs to you.”
Sagot ni Sharon,”@wilmagalvante awww thank you po Tita. It was yours pala! Kakamiss ang madam chairman. My fans post some scenes all the time and bigla akong natatawa! Namimiss ko especially si Atcheng Nanette hahahaha! Miss you po. Thank you again Tita. Hugs and please keep safe. God bless you!”
Sumagot uli si Ms. Wilma at sabi, “@reallysharoncuneta I would like to feature your YouTube channel on URL w/ Luchi. Dun ka sa set mo and Luchi will be in her home naman. Or you can give Luchi a tour of your set. Talk about how you set up your channel.”
Hindi pa lang alam kung papayag si Sharon dahil hindi pa sumasagot si Mega sa proposition ni Ms. Wilma.
Anyway, may message naman si Luchi para kay KC: “Thank you, KC, for trusting us enough to show your vulnerable side. I’m sure your story will resonate with so many others and inspire them to, like you, never give up on people they love and will yet love. God bless!”
Speaking of KC, nasa The Farm at San Benito sa Lipa pa rin siya at doon siya kinunan ng swab test for COVID-19. Pinost ni KC ang result na “Antigen swab test: Negative” kaya masaya ito. Naaliw lang ang netizens kay KC dahil sa isa niyang post, nasa gitna siya ng mga puno at sabi nga nito, puro vegetable na kanyang kinakain ang kanyang nakikita habang hawak ang kanyang LV bag.
Zia, lumevel sa mga sikat na endorser ng pabango
Bongga si Zia Dantes dahil sa IG page ni Ben Chan at ng Bench, kahilera niya ang big names endorsers ng Bench, kasama na ang Korean superstars. May bagong scent kasi ang Baby Bench na kanyang ini-endorse, ang Cute As Can Be kaya sabi nga ng tag line, “Our #BabyBENCH princess Zia’s back and she’s all smiles and giggles with another sweet scent.”
Puro positive ang nabasa naming comments from the netizens at nakakatuwa na kahit hindi bata, bibili ng Baby Bench na ini-endorse ni Zia para raw mag-sold out at mag-amoy fruity citrus sila.
May napanood kaming video sa photo shoot ni Zia na kung saan, inaayos ni Marian Rivera ang buhok ng anak. Nanay na nanay si Marian sa photo shoot ng anak, hindi siya celebrity, kundi dakilang ina at P.A. ng anak.