Allan K., namatayan na naman ng kapatid

Namatayan muli ng kapatid ang komedyanteng si Allan K. This time, ang nakatatandang kapatid ang pumanaw last Tuesday, si Melba Quilantang.

Eh nu’ng Martes, kababalik pa lang ni Allan sa live episode ng Eat Bulaga at masaya pa siyang nakipagkulitan sa kapwa Dabarkads.

Hindi na namin inalam ang dahilan ng pagpanaw ng Ate Melba ni Allan. Bago siya pumanaw ay kinuha siya mula sa Bacolod ni Allan at pinatulong sa Klownz Comedy Bar.

Matatandaan nitong mga nakalipas na buwan, ang bunsong kapatid ni Allan na si Jun ang namatay.

Samantala, namatay na rin ang founder-publisher ng Jingle Clan publications na si Gilbert Guillermo.

Ang song book na may guitar chords ang unang publication na itinayo niya.

Dumagdag rito ang songhits, sports mag at movie magazines na Jingle Sensation at Jingle Extra Hot kung saan nagsimula ang aming career sa entertainment writing.

Nakikiramay kami kay Allan at sa Guillermo family.

Sa totoo lang, ngayong pandemya, mahirap na ang mabuhay, mas lalong mahirap ang namamatayan…

Be safe always, PM readers.  (Ang amin pong pakikiramay sa naiwan nina Ms. Melba at Mr. Gilbert. - Salve)