Pinusuan ng netizens Alden naging cameraman sa Eat Bulaga

Waging-wagi sa puso ng netizens ang kumalat na behind-the-scenes photos ni Alden Richards na sumubok maging cameraman sa episode ng Eat Bulaga kahapon, July 7.

Hindi ito nakaligtas sa avid viewers ng Eat Bulaga maging sa netizens na pinusuan agad ang cute na cute photos ni Alden. Napa-comment sila sa kagwapuhan ng aktor.  Maging si Bossing Vic Sotto ay napansin si Alden. Komento nito, “Yung cameraman natin, ang pogi, o.”

Samantala, balik-telebisyon ang All-Out Sundays kung saan mapapanood si Alden at iba pang Kapuso stars simula sa Linggo sa GMA.

Piolo ni-reject din sa Banaue, wala pa ring paramdam

Wala pa ring paramdam si Piolo Pasual kung true ang chika na hindi lang diumano sa Sagada tinanggihan ang grupo nila ni Direk Joyce Bernal kundi maging sa Banaue (Ifugao). Yup, diumano ay hindi rin ito pinayagan ng local government ng Banaue na makapasok bilang bahagi ng health protocols na pinatutupad sa nasabing lugar.

Ayon daw kasi sa executive order ng Banaue, pinagbabawal pa ang pagta-travel papasok at palabas ng Banaue hanggang July 10 ayon sa kumalat na chika kahapon.

Inihatid pa diumano ang grupo ni Piolo ng police escorts hanggang sa boundary ng nasabing tourist destination kung saan dumiretso nga raw ng Baguio ang grupo nito.

Nauna nan gang tinanggahin ang tropa ng actor at Direk Joyce sa Sagada para nga raw sa shooting ng support video ng SONA ni Pangulong Duterte.