MANILA, Philippines — Trending ngayon at halos pumalo na sa two million views on YouTube ang cheerdance performance ng lead stars ng GMA Afternoon Prime series na Prima Donnas na talaga namang kinagiliwan at pinanggigilan ng netizens.
Super entertaining ang tagisan ng galing sa pagitan ng tatlong Donnas at grupo ni Brianna para sa kanilang school cheerdance tryouts.
Mayroon namang mga nainis sa ipinakitang attitude ni Jaime (Wendell Ramos) nang sitahin nito si Mayi matapos kalabanin si Brianna nang paglaruan ang kanilang mga kagamitan.
Samantala, ano kaya ang paghihiganting gagawin ni Kendra (Aiko Melendez) ngayon na nalaman na nito ang secret affair nina Jaime at Lilian (Katrina Halili)?
Kapuso tuloy lang sa paghahanap ng mga bagong iidolohin
Tuluy-tuloy talaga ang GMA-7 sa paghahatid ng sorpresa sa kanilang loyal viewers. Sisimulan na kasi ng Kapuso Network ang auditions para sa kanilang upcoming show kung saan naghahanap sila ng mga mahuhusay kumanta.
Bukas ang naturang audition sa solo singers maging sa singing duos - magkadugo man o magkaibigan ay swak na swak dahil wala ring age requirement o age limit. Gaganapin sa GMA Network Studio 1 ang auditions sa Pebrero 28, simula 10am hanggang 2:30am ang registration.
Kailangang dalhin ang copy ng birth certificate, 4R photo, at minus one sa USB ng iyong kantang aawitin. Kitakits, mga Kapuso.