Jennylyn hindi pa sigurado kung luluhuran na ni Dennis sa concert
Ang daming nagtatanong ngayon kay Jennylyn Mercado kung may announcement daw bang magaganap sa CoLove live concert nila ni Dennis Trillo na gaganapin on Feb. 15 at the New Frontier Theatre.
Marami kasi ang humuhula na baka may maganap na proposal at luhuran ni Dennis si Jen para tanungin ang classic proposal line na “will you marry me?”
“Walang ganu’n,” paninigurado ni Jen sabay-tawa. “Hindi pwedeng pilitin ‘yan, darating na lang ‘yan,” saad pa niya.
Biro sa kanya ng press, hindi pa rin siya nakakasigurado since puwede nga naman kasing may pinaplano si Dennis at isorpresa na lang siya. “Eh kailangang manood sila para mapanood nila kung meron man. Pero wala,” natatawa na lang niyang sambit.
Pero sa totoo lang, sobrang excited ni Jen this February dahil nga dalawang malalaking ganap ang pasabog niya – ang pagsisimula ng Descendants of the Sun, the Philippine adaptation, on Feb. 10 at ito ngang first concert nila ni Dennis together.
Sobrang happy ni Jen na maraming press ang nagandahan sa pilot episode na advance nang ipinapanood sa presscon ng DOTS last week.
Ang lakas agad ng chemistry nila ni Dingdong Dantes kaya natanong din siya kung hindi kaya magkaroon ng selosan sa kani-kanilang partner.
Ayon kay Jen ay wala naman daw ganu’n and in fact, very supportive nga si Dennis sa project nila ni Dingdong. At maging si Marian Rivera ay nag-message pa sa kanya and congratulated her noon pa mang nakuha niya ang role.
Ilang celebrities binantayan ang pagta-travel
Ini-release ng Philippine Travel Agencies Organization (PTAA) ang listahan ng Top 10 Most Traveled Filipino Celebrities sa presscon/announcement na isinagawa last Tuesday (Feb.4) held at SMX Convention Center, Mall of Asia.
The group formed a three-person committee to come up with the list based on the stars’ social media posts.
Nanguna sa listahan ang TV and radio host/columnist na si Tim Yap. Pumangalawa naman si Heart Evangelista, 3. Lovi Poe 4. Catriona Gray 5. Pia Wurtzbach 6. Vicki Belo 7. Bea Alonzo 8. Nadine Lustre 9. Liza Soberano 10. Maine Mendoza.
Ayon sa PTAA President na si Ritchie Tuano, malaki talaga ang naitutulong ng celebrities para lalong lumakas ang turismo sa anumang bansa na kanilang pinupuntahan.
“Moreover, the public also gets to find out more about the places they visit. They provide both the glamour factor and the reassurance that the place is safe to visit,” pahayag ni Tuano.
“Anyone can take a picture of their travels and just post it online, but these stars really draw in their followers by sharing their candid moment during their journeys.
“You know that they don’t just go to a place to have their picture taken. They enjoy each and every place wholeheartedly. They also go out of their way to interact with the locals,” paliwanag pa ni Tuano.
Kasabay nito ay inanunsyo rin ng PTAA ang pormal na pagbubukas ng TravelTour Expo 2020 at SMX Convention Center from February 7 to 9.
- Latest
