Ruffa at Annabelle nanggulat sa The Mall…!
Tawanan ang mga tao sa eksena ng mag-inang Annabelle Rama at Ruffa Gutierrez sa The Mall, The Merrier ng Metro Manila Film Festival 2019 official movie entry nina Vice Ganda at Anne Curtis.
Text sa akin ng isang kasama sa entourage ni Vice na nanood ng The Mall, The Merrier sa Ayala Mall Manila Bay, “Grabe ang tawanan ng mga tao sa eksena nina Ruffa at Tita Annabelle. Nagulat sila na kasama pala sa pelikula ang mag-ina. Nakakaloka rin ang mga eksena nina Ruffa at Vice. Hahaha!
“Pati GMA-7, nakita sa The Mall, The Merrier kaya tawanan na naman ang mga nanonood!”
Hahaha! Ang appearance nga ng mag-inang Annabelle at Ruffa ang isa sa mga pasabog ng pelikula nina Vice at Anne.
Actually, may mga kaibigan ako na nakapanood ng The Mall, The Merrier kahapon ang “nanumbat” sa akin.
“Hindi mo sinabi na kasama pala sina Tita Annabelle at Ruffa sa pelikula nina Vice at Anne. Nagulat na lang kami!” “sumbat” nila.
Pero, siyempre, bawal, kaya hindi ko talaga isinulat, pero marami na naman ang nakapanood at kumalat na kaagad ang tungkol doon, kaya hindi puwedeng sabihing spoiler ako, huh!
Pero kung ano ang mga pinaggagagawa nina Bisaya at Ruffa sa The Mall, The Merrier, alamin n’yo na lang kapag pinanood n’yo na, ‘noh?!
Kahapon nga ka-text ko si Ruffa at ikinuwento ko sa kanya na tawanan ang mga tao sa eksena nilang mag-ina sa The Mall, The Merrier, ang reaction niya ay, “Really? Bakit alam mo, nasa Rome ka?!”
Well, sabi ko sa kanya, mas naka-monitor ako sa mga nangyayari sa MMFF 2019 at natawa na lang siya.
“Papunta kasi kami sa Cavite, sa house ni Tita Maryann(kapatid ng tatay niyang si Eddie Gutierrez) at naliligaw kami dahil ang dilim sa lakas ng ulan, kaya hindi ako nakakapag-monitor!” sey niya.
Grabeng pinipilihan ang pelikula nina Vice at Anne, siyempre, ok din naman ang 3Pol Trobol: Huli Ka Balbon nina Coco Martin at Jennylyn Mercado, pati ang Miracle In Cell No. 7 ni Aga Muhlach, pati ang movie ni Bossing Vic Sotto.
‘Yung ibang entries, makikibalita pa lang ako, Ateng Salve.
Vice pinagkaguluhan sa kalsada
Grabe ‘yung video na kuha kay Vice at sa mga kasama niya nang lumabas sa SM MOA kung saan siya nag-theater visit after nilang manood sa Ayala Mall Manila Bay.
Naglakad kasi si Vice hanggang sa may kalsada na.
Ang mga tao, hindi magkamayaw sa tilian at palakpakan.
Ang bongga!
No doubt na sobrang sikat pa rin ni Vice!
Kris naka-bed rest nung Pasko
Nagkasakit pala si Kris Aquino noong December 23, kaya hindi niya nasamahan ang mga anak na sina Josh at Bimby sa panonood ng Star Wars sa Los Angeles, California.
Sobra kasing cold daw at naulanan din si Kris nang magpunta sila the night before sa Mission Basilica San Juan Capistrano.
Kinailangan daw na mag-bed rest siya para maging ok for Christmas eve.
LizQuen nilihim ang Christmas break
Sabi sa akin ng isang taga-L.A. na malapit sa reel & real sweethearts na sina Liza Soberano at Enrique Gil ay doon magki-Christmas ang dalawa (December 22 daw ang dating doon), pero wala pa raw tawag sa kanya ang dalawa.
Wala ring new post sa kanilang Instagram accounts ang LizQuen kung nasa L.A. na ba sila.
Baka type nila na huwag munang i-share ang Christmas break nila.
Anyway, inaabangan na ng LizQuen fans ang Make It With You new series nila sa ABS-CBN.
‘Yun na!
- Latest
