Bubble Gang mas matibay sa Startalk!

Na-miss ko na naman ang Startalk nang mag-attend ako sa presscon kahapon ng 24th anniversary ng Bubble Gang.

Magkasabay nga kasi nang i-launch ng GMA-7 noong 1995 ang Startalk at ang Bubble Gang.

As we all know, nag-babu na ang Startalk samantalang namamayagpag pa rin sa TV ang Bubble Gang.

Bongga ang anniversary presentation ng Bubble Gang dahil mga superhero na ginaya sa The Avengers ang mga karakter ng cast na pinangu­ngunahan nina Michael V., Antonio Aquitania, Paolo Contis at Kim Domingo.

Watch ninyo sa GMA-7 ang magkasunod na anniversary special ng Bubble Gang na mapapanood sa November 15 at November 22, 2019.

Sef hindi naamin na naging ex sina Andrea at Maine

Cast member ng Bubble Gang si Sef Cadayona na kinaiinggitan noon ng mga mhin dahil sa tsismis na naging girlfriend niya sina Andrea Torres at Maine Mendoza.

Natural na funny guy si Sef kaya hindi nakapagtataka na mabilis na ma-inlove sa kanya ang mga babae, kahit tanungin n’yo pa si Yassi Pressman na ex din ni Sef. Nag-level up na si Yassi dahil romantically-linked siya ngayon kay Coco Martin.

Member din ng Bubble Gang si Paolo Contis na enjoy na enjoy sa gag show niya sa GMA-7.

Sa tuwing may ibang teleserye si Paolo sa GMA-7, sinisiguro niya na walang conflict sa Monday taping schedule ng Bubble Gang. Ganyan niya kamahal ang show na 24-years na sa telebisyon pero never na kinasawaan ng televiewers.

Isyu ng mga Barretto may sawa factor na!

Ang bagong isyu ng Barretto family ang pinag-uusapan ng entertainment writers bago nagsimula ang presscon ng Bubble Gang.

Nagkakaisa ang showbiz reporters sa kanilang opinyon na may sawa factor na ang tarayan at awayan ng Barretto sisters.

Hindi na nga shocking sa press ang bagong video na inilabas ni Claudine Barretto na nagpapakita ng disrespect ni Marjorie sa kanilang Mommy Inday.

Hindi rin naniniwala ang mga reporter na Inday na kasambahay at hindi si Mommy Inday ang type na sapakin ni Marjorie dahil sa pagdadrama.

Ang latest news, idedemanda ni Marjorie si Claudine pero hindi pa niya sinasabi kung ano ang kaso na kanyang isasampa laban sa sari­ling kapatid at kadugo.

Good daughter ang claim ni Marjorie sa exclusive interview sa kanya noon ng TV Patrol pero nalagay sa alanganin na sitwasyon ang kredibilidad niya dahil sa video na inilabas ni Claudine sa Instagram account nito.

Hay naku, wala na yatang katapusan ang iringan at girian ng Barretto sisters. Ang akala pa naman ng lahat, case closed na dahil sa pagsasalita ng businessman na si Atong Ang pero kabaligtaran ang nangyari.