Kadenang Ginto inaabangan kung magiging Probinsyano ang kapalaran
Ayon sa teen actor na si Kyle Echarri, marami pang conflicts na mangyayari sa afternoon series nila na Kadenang Ginto kaya aabutin pa raw sila hanggang next year.
Malakas ang dating ni Kyle, pati ng iba pang teen stars na kasama sa Kadenang Ginto like Francine Diaz, Seth Fedelin at Andrea Brillantes, kaya malaking tulong sila para ma-maintain ang mataas na ratings ng nasabing afternoon series.
Ang tinaguriang Gold Squad pati sina Beauty Gonzales at Dimples Romana ang dahilan kung bakit napakaganda ng ratings ng Kadenang Ginto hanggang ngayon.
Noong mainterbyu ko si Kyle ay biniro ko ang teen actor na baka mas tumagal pa ang kanilang series na katulad ng FPJ’s Ang Probinsyano.
Bea nag-taping sa bayan ni Gerald
Kahapon ay ka-text ko si Richard Gutierrez na nasa GenSan ngayon.
Ang GenSan ang location ng taping ng new ABS-CBN teleserye nina Richard at Bea Alonzo.
“Ok naman so far ang taping namin,” ang matipid na sagot ni Richard.
Una kong nalaman na ang GenSan ang location ng new teleserye nina Richard at Bea dahil si Gerald Anderson ang nagkuwento tungkol doon.
Sabi noon ni Gerald, excited siya na magti-taping doon ang teleserye nina Richard at Bea dahil tagaroon siya.
Kahit naghiwalay na sina Bea at Gerald, natuloy pa rin sa GenSan ang taping.
Hanggang today raw ang grupo ng mga taga-ABS-CBN sa GenSan at uuwi na ng Maynila, pero may taping pa rin sila today at pagkatapos ng kanilang mga eksena ay deretso na sila sa airport.
Malamang na babalik pa rin sila roon para sa ibang mga eksena.
Film Academy of the Philippines mamimigay na ng parangal!
Nagrerebyu na ng mga pelikula ang mga taga-Luna Awards (Film Academy of the Philippines).
Sila na ang susunod na mamimigay ng awards.
- Latest
