Pagsama kay Juday sa AP pampalubag loob?!
Mas lalo pa palang matatagalan ang paghihintay ni Judy Ann Santos para makapagsimula sa bago niyang serye na Starla sa ABS-CBN na kung saan ay makakasama niya si Raymart Santiago.
Sa pagdagdag ng bagong episodes sa serye ni Coco Martin na FPJ’s Ang Probinsyano, mas lalo pang nagbabadya ng pagka-delay ang Starla na magiging kapalit sana ng nasabing serye, at para marahil hindi mabagot sa paghihintay ang drama queen ay isinama na lang siya rito.
Hindi pa alam kung ano ang magiging role niya sa maaksyong serye. Ang importante lamang ay bukod sa kanyang pagluluto ay may pagkakaabalahan na naman siyang serye.
Kasalang Angel at Neil punung-puno ng intriga
Bakit ba sina Angel Locsin lamang at Neil Arce ang nagkaroon ng marriage proposal pero nakakasama pa rin sa intriga ang mga ex nilang sina Bela Padilla at Luis Manzano? Ang anak nga ng Star for All Season ay napilitan nang magpahayag ng kanyang komento dahil pati ang girlfriend niyang si Jessy Mendiola ay nadadawit sa isyu.
Sa kagustuhan ng media na mas mapainit pa at mabigyang kulay ang napipintong kasalan nina Angel at Neil, imbes na maging masaya ang lahat para sa mga ikakasal, nabahiran pa ito ng intriga.
Sandara at Alden hindi uubra ang age gap
Ang age difference siguro nina Alden Richards at Sandara Park ang magsisilbing hadlang para maunsyami ang pagma-match sa kanila ni Joross Gamboa. From all indications, nakita siguro ni Joross ang maraming pagkakatulad ng ugali ng dalawa hanggang sa pamamaraan ng pagtatrabaho nila kaya naisip niya na bagay silang pagsamahin o gawing real life tandem.
Nakatulong pa ang pagiging single nila pareho at walang commitment sa iba.
Kim napisil ni Sisi para sa MMK
Tampok si Sisi Rondina sa Maalaala Mo Kaya kung saan ipapakita ang kanyang istorya sa Sabado, July 20, 2019, na nagsimula bilang isang manlalaro ng volleyball, hanggang sa makilala siya’t tanghaling MVP sa naging laro niya sa kampyonato ng UST vs. Ateneo. Sa simula pa lamang ay si Kim Chiu na ang napisil ni Sisi na gumanap sa pagsasalin ng kuwento ng buhay niya sa MMK.
- Latest
