Carlo bagong loveteam ni Maine

From Alden Richards to Coco Martin and now, Carlo Aquino. Yes, si Carlo ang bagong kapareha ni Maine Mendoza sa bago nitong movie na may title na Isa Pa With Feelings na pinost sa Instagram ng manager niyang si Rams David kahapon.

Pero ang dagdag na impormasyon namin, ang producer ng movie ay ang APT Entertainment at Blacksheep Productions, sister company ng Star Cinema. Mula ito sa direksyon ni Prime Cruz.

Sa IG pic naman ni Carlo, may pic sila ni Meng na may caption na, “Not in a million years #IsaPaWithFeelings.” May picture din sila sa IG ni Maine.

Need we say more, Salve A.? Basta kung saan maligaya si Meng, doon ang gusto niya, ‘di ba? (Naman tito. Basta importante suportahan ng fans. - Salve A.)

Iya pinalitan si Suzi

Si Iya Villania ang pumalit kay Suzi Entrata bilang host ng dating Mars na ngayon ay mapapanood na sa GMA Network tuwing 8:50AM simula sa July 8 after nitong napanood ng seven years sa GMA News TV.

Bilang unang pasabog sa July 8, si Alden Richards ang guest nila pati na ang anak nina Iya at Drew Arellano na si Primo na first time lalabas sa TV.

“Pinaalam ko pa sa tatay niya!” sabi ni Iya.

Eh ano naman ang reaksyon ni Camille Prats nang palitan ni Iya si Suzi Entrata?

“Seven years kami. It was actually a very long talk. ‘Yung transition din ng Mars from GMA News TV to GMA.  At that time, it was months of usap-usapan and all that.

“Unang-una, it was all easy for me  to transition from GMA News TV without Ate Suzi because we worked for seven years. She’s practically almost part of my life.

“She was my ninang, part siya ng lahat ng parte ng buhay ko. Pero talagang nu’ng nag-transtion na to GMA, na—explain din naman ng maayos.

“Ayaw naman din siyang papiliin ng management na magma-Mars ka ba o Unang Hirit? Unang Hirit has been there for eleven years I think. Doon din siya halos nag-grow and it’s not also an easy decision for her. GMA ang nagdesisyon.

“When I found out that Iya will be there, mixed emotions na rin. Na-sepanx ako with out Ate Suzi but with Iya, I know it was going to be an easy show because I’ve known her doon pa sa kabila.

“So ganoon talaga. May pagbabago na nangyayari. We just hope na you will give Mars Pa More a chance kasi iba rin ‘yug flavour na ibibigay ni Iya sa program,” pahayag ni Camille.

Wala raw samaan ng loob at happy si Suzi for her. “Siyempre nalungkot siya. But she’s happy that it was Mars Iya with me,” saad pa ni Camille.