Mga nag-attend ng concert ni Regine sa Cali parang nanunundo!

Ang Songbird Sings finale concert sa Alex Theater sa Glendale, California noong Sunday (Monday morning sa atin).

Inulan ang concert ni Regine Velasquez kung saan special guest niya ang mister na si Ogie Alcasid.

May mga na-late ng dating sa concert ng Songbird, pero sulit naman daw sa galing niyang mag-perform.

Inabutan ng isang friend ko si Regine na kumakanta with her son Nate.

Sabi ng kaibigan ko na nanood, “Maganda ang show. Sina Lovi Poe at Michael V. nag-attend. Nagbiro tuloy si Ogie, ‘Bakit puro yata taga-kabilang station, parang sinusundo tayo pabalik.’ Tawanan ang audience sa biro ni Ogie!”

By Friday, nasa bansa na uli ang mag-asawa kasama si Nate, kaya sa Sunday ay live na naman silang mapapanood sa ASAP Natin ‘To.

Lovi hindi pinagdududahang buntis

Speaking of Lovi, dahil palagi naman siyang nakikita ng mga Pinoy sa L.A. ay walang issue na baka buntis siya kaya ang tagal na niya roon.

Sabi nga ng kausap ko, “Ang sexy ni Lovi!”

Noong May 2 nga raw ay rumampa rin ang dalaga sa “yellow carpet” opening night ng L.A. Asian Film Festival kung saan ipinalabas ang movie nina Lea Salonga at Princess Punzalan na Yellow Rose.

Um-attend din daw sa event na ‘yon si KC Concepcion pati ang dating aktres na si G Tongi.

Si Princess daw ay nasa event din na ‘yon at parang hindi nga raw tumatanda ang ex-wife ni Willie Revillame.

Serye nina Xian at Kim nanganganib maudlot

Kinumusta ko ang handler ni Xian Lim kung may update na ba sa Love Thy Woman, ang balik-tambalan ng binata at ng girlfriend niyang si Kim Chiu sa ABS-CBN?

“Wala pang schedule,” sey ni Mhit.

So, hindi pa rin ba first week of June ang start nila?

Sabi naman ng isang taga-Kapamilya network na kausap ko, inaayos lang daw mabuti ang series na ‘yon para kapag nag-start ay okey na okey na.

Ang KimXi fans, inip na inip na at ang dalangin ng marami ay ipalabas kaagad ang Love Thy Woman, huh!

Sarah mas lalong gumanda

Maraming fans si Sarah Geronimo ang nagsasabing mas lalong bumata ang hitsura ng kanilang idol dahil sa new hairstyle nito na may bangs.

Ang ganda rin daw lalo ng girlfriend ni Matteo Guidicelli.

I agree!