MANILA, Philippines — Kinaaliwan ngayon sina Yamyam Gucong at Fumiya Sankai ng PBB sa kanilang kanta na Soundtrack Ng Bahay Mo.
Hindi nakapagtataka kung bakit suwerte ang dalawa, na isinama agad sa cast ng Home Sweetie Home: Extra Sweet bilang Bogs (Yamyam) at Hiro (Fumiya). May solid fans ang FumiYam na laging inaabangan kung anong ganap sa dalawa.
Nakakatawa na kahit anong kantahin nila ay nagugulo ang mundo sa katatawa. Patok nga sa mga milenyal ang nasabing kanta kahit idinaan lang ito sa biro.
Lumaki sa Japan si Fumiya samantalang tubong Bohol naman si Yamyam.
Magkaiba man sila ng kinalakihan, swak naman ang kanilang tandem sa fans.Naaaliw ang mga tao sa bromance ng dalawa na totoong sweet at cute kung titingnan.
Kaya wish ng fans na madagdagan pa ang exposure nila na good vibes ang dating sa mga manonood at bagong nadiskubreng comedian, singers, at composers ng Kapamilya Network.