MayWard may bagong album
Sanib puwersa na naman sina Maymay Entrata at Edward Barber sa bago nilang album na MayWard.
Sinasamantala ng mag-loveteam ang paggawa ng maraming projects dahil patok ang kanilang mga kanta.
Hindi makakailang multi-talented si Maymay dahil bukod sa husay nito sa pag-arte at pagmo-model, ngayon ay binabalikan na niya ang pagkanta.
Ang bagong single nga niyang Kakayanin Kaya ay umabot na nang mahigit dalawang milyong views sa YouTube.
Samantala, ang single naman ni Edward na No One Else ay three hundred plus pa lang bagama’t sikat naman siya, na sa pananaw ng iba, si Maymay pa rin ang magdadala ng bagong nilang album.
Matunog din ang pangalan ni Maymay na napipisil gumanap sa role na Darna na iniwanan ni Liza Soberano dahil sa kanyang finger injury. Siyempre, umalma agad ang kanyang bashers at nilait-lait na naman ang dalaga, pero marami namang fans niya ang nagtanggol sa kanya.
- Latest
